-Сәлеметсіңдерме балалар!
-Көңіл-күйлерің қалай?
-Бізде қазір жылдың қай мезгілі?
-Аптаның қай күні?
-Психологиялық ахуал тудыру.
-Орнымыздан тұрайық,
Күннен жылу алайық.
Күннен алған жылуды,
Жан-жағымызға сыйлайық.
-Балалар бізге бүгін қонаққа сұр қоян келіпті. Ол сендердің орындаған тапсырмаларыңды көргісі келеді екен. Тапсырмаларды өте жақсы орындағандарға сыйлық береді екен. Қоянның сыйлығын алғыларың келеді ме?
-Балалар,дыбыс дегеніміз не?
-Дыбыстар нешеге бөлінеді?
-Дыбыстар қандай түрге бөлінеді?
-Балалар,бүгін біз сендермен «И» дыбысымен танысамыз!
Тыныс алу жаттығуы.
-Ерте, ерте, ертеде көбелек пен ара дос болыпты. Бір күні олар бақшада өсіп тұрған гүлді көре салып, ең бірінші көбелек барып гүлге қоныпты.Оның артынша ара барып,гүлге қоныпты.Кенеттен жел соғып бірінші көбелек ұшып кетіпті.Артынша ара ұшып кетіпті. Денемізді түзу ұстаймыз,ұртымызды толтырмаймыз, мұрынмен терең тыныс алып, аузымызбен қатты үрлеп,көбелек пен араны ұшырамыз.
Артикуляциялық жаттығу.
«Инеше» - ауызды кең ашып тілді алға қарай жіңішкертіп шығарып 10 - 15 секунд ұстап тұру керек.
«Сағат» – тілді жіңішкертіп ұстап оңға, солға жайлап қозғау керек. Осылай санап отырып 15 - 20 рет қайталау керек.
«Тәтті тосап» -Жалпақ тілмен жоғары ерінді жалап, ауыз қуысына кіргізу.
«Әткеншек»- Жымиып, тістерін көрсетіп, аузын ашып, жалпақ тілді астынғы тістердің артына (ауыз қуысының ішінде) орналастыру. Осы қалыпта тілді жоғары көтеріп дәл осылай істеу керек.
Осылай тілдің қалпын 4 - 6 рет өзгертіп, жаттығуды қайталау керек. Осылай тілдің қалпын кезекпен 4 - 6 рет өзгертіп, жаттығуды қайталау керек.
-Балалар «И» дыбысы бізде дауысты дыбыс. Қайталайықшы.
Қызыл текшемен белгіленеді.
-«И» дыбысын айтқан кезде ерніміз күлімсірейді ,тіл төменгі тістерге тиіп тұрады.
-Балалар біз енді «И» дыбысы бар сөздермен танысайық:
Ит, ине, инелік, тиін, сиыр, шие, қияр, киви, колибри.
Бірге қайталайық!
|
