II. 4 Ұсақ моториканы дамытуға бағыт және ойын жаттығулар

• 
  Партаға алақанмен шапалақтау (саусақтар бірге, саусақтар бөлек)
  
• 
  Партаға бүгілген саусақтармен тақылдату
  
• 
  Парта бетін үзіліспен шапалақтау және сипалау
  
• 
  Партаға алақанмен және бүгілген саусақтармен тақылдату
  
• 
  Қолды жұдырық етіп қысу
  
• 
  Саусақтарды бір уақытта бүгу және кезекпен
  
• 
  Үлкен саусақты кезектестіріп басқа саусақтарға қарама-қарсы қою
  

• 
  Мозаикамен түрлі өрнектер құру
  
• 
  Сіріңке қорабынан біртіңдеп басқа ыдысқа сіріңкені жинау (тек қолдың ұшымен жұмыс жасау, үлкен, сұқ саусақ және ортан саусақ)
  
• 
  Ыдыстан сіріңкені біртіңдеп сіріңке қорабына қайта салу.
  
• 
  Кішкентай допты қысу (мақта түйірін).
  
• 
  Тақтай бетіне сұқ саусақ және ортан саусақпен бір уақытта және кезекпен ермексаздан түйіршіктер илеу.
  
• 
  Қаламды, сіріңкені немесе санамақ таяқшасын үлкен саусақ және сұқ саусақпен, үлкен саусақ және ортан саусақпен ұстап қозғалту (тербету).
  

Кез келген елдің ауызша сөйлеу тілінде саусақтардың қозғалысымен қатар жүретін қысқа тақпақтарды кездестіруге болады. Мысалы: «Қуырмаш». Қысқа тақпақтармен қатар жүретін саусақ жаттығулары қолдарға жайлы әсер ететінін ерте кезден-ақ байқаған.

1. 
   Саусаққа арналған ойындар жағымды эмоционалды көңіл-күй тудырады, үлкенге еліктеу білігін дамытады. Сөйлеу тілін тыңдауға және сөйлеу тілінің мағынасын түсінуге үйретеді, баланың сөйлеу тілінің белсенділігін көтереді.
   
2. 
   Бала өзінің зейінін шоғырландыруға және оны дұрыс бөлуге үйренеді.
   
3. 
   Егер бала жаттығуларды қысқа тақпақтармен қатар орындаса, оның сөзі неғұрлым анық, ырғақты, жарқын болады және орындаған қозғалысын қадағалауы күшейеді.
   
4. 
   Бала қолдарының белгілі қалпын және қозғалысының ретін есінде сақтауға, үйренгендіктен, оның есте сақтау қабілеті дамиды.
   
5. 
   Баланың елестетуі және қиялы дамиды. Барлық жаттығуларды меңгерген соң бала қолмен әңгімелеуді айта алады.
   
6. 
   Барлық жаттығуларды меңгеру нәтижесінде қолдың білектері мен саусақтары күш жинайды, қозғалғыштыққа және иілгіштікке ие болады, ал бұл болашақта жазу дағдысын меңгеруін жеңілдетеді.