Тақырып: Насекомдардың сыртқы морфологиясы.
Мақсаты: Насекомдардың алуан түрлі тіршілік әрекеті, мекен ортасы және қоректену тәсіліне адаптация нәтижесі – морфофизиологиялық ерекшеліктерін танып-білу.
Лабораториялық сабақтың жоспары, мазмұны:
1.Қара тарақанның (зауза қоңызының) сыртқы құрылысы, бас бөлімі, мұртшасы және ауыз аппараты.
2.Көкірек бөлімі, аяқтары және көкірек өсінділері (қанаттар).
3.Құрсақ және оның өсінділері.
Лабораториялық жұмыстың әдістемелік нұсқауы:
1.Қол лупасымен фиксацияланған насекомдарды (қара тарақан, зауза қоңызы, т.б.) қарап, сыртқы құрылысымен танысып, дене бөліктерін және ауыз аппаратын жіктеп, макетін дайындау.
Микроскоптың кіші үлкейткішімен кеміргіш, кеміргіш-жалағыш, пісіп-сорғыш және көбелектің сорғыш ауыз аппаратын қарап, құрылыс ерекшеліктерін анықтап, суретін салу.
Қол лупасының көмегімен коллекциядағы насекомдардың әртүрлі типті мұртшаларын қарап, анықтап, суретін салу.
2. Қара тарақанның көкірек бөлімі құрылысы, жүгіргіш аяғының құрылысымен танысып, буындарын анықтау. Коллекциядан насекомдар аяқтарының типтерін, қанаттарының құрылысын қарап, суретін салу.
3. Қара тарақанның құрсақ сегменттері, оның өсінділері және атқаратын қызметін анықтау.
Достарыңызбен бөлісу: |
