Қостанай мемлекеттік педагогикалық институты

«Отан тарихының өзекті мәселелері» пәнін оқытудың бағдарламасы

3 кредит (135 сағат)

Қостанай 2009.

Қазақстан тарихы кафедрасында 2004 жылдан жұмыс істейді.

«Отан тарихының өзекті мәселелері», 3 кредит 135 сағат.

Тарих және өнер факультетінде сабақ кестесі бойынша.

Отан тарихының өзекті мәселесі курсы тарих мамандығының студенттеріне оқытылады. Бұл курс Қазақстан тарихын терең білуге студенттерді бағыттайды. Тарих мамандықтарындағы Қазақстан тарихы, Әлемдегі түркі халықтарының тарихы пәндері мен сабақтас. Қазіргі таңда тарих ғылымындағы іргелі де өзекті тақырыптардан құралды.

Тарихи оқиғаларды оқып зерттеуде тарихи ақиқатын танып, ақтаңдақтардан ажырата білуге студенттердің мән беруіне үйрету. Сонымен қатар студенттердің тарихи ұлттық санасын қалыптастырып жэне тарихи үлттық қүндылықтарды танып білуге патриоттық сезімдерін қалыптастыру.

Әлемдік білім кеңістігіне терең бойлап тәуелсіз Қазақстан өзін жоғарғы оқу орнын бітіріп шыққан білікті мамандарын биік деңгейден көргісі келетіндігі заңды құбылыс. Қазақстан мамандары дүниежүзілік саяси-экономикалық додада басқа жұртпен тең түсіп, өз үлесін бөгдеге қолынан бермей, білімді де білікті болуы жоғарғы оқу орындарындағы алатын білім сапасына байланысты.

Бұл орайда курсқа қойылатын талаптар мен міндеттер студент жастарды отансүйгіштік рухта тәрбиеленуге бағытталады. Тәуелсіздігіміздің арқасында оқу жоспарына кірген халқымыздың төл тарихы елеміздің нағыз патриоттарын дайындауда өз үлесін қосуға міндетті.

Отан тарихының өзекті мәселесі институтың «тарих» мамандықтары бойынша төртінші курста оқытылады. Оның негізгі мақсаты Қазақстан жеріндегі ру - тайпалар мен ұлыс - ұлттардың сонау көне заманнан осы күнге дейінгі тарихына тоқталу.

1. 
   Халқымыздың тарихына байланысты қалыптасқан ұғымдар (дефениция) мен парадигмаларға түснік беру
   
2. 
   Қазақ халқының этногенезі мен этникалық тарихы, мемлекетінің пайда болуы және оның өркендеуі, жаруашылығы және мәдениеті жөнінде білім беру
   
3. 
   Қазақ халқының әлем халықтар ортасында орны, олардың дүниежүзілік өркениетке қосқан үлесі және қазақ мемлекетінің келешегі жөніндегі көкейтесті мәселелерді талқылау.