Өткен жылғы бастаманы жалғастыру мақсатында 2021 жылдың 8 желтоқсанынан бастап Ұлттық тестілеу орталығы білім беру орталықтарымен бірлесіп, тікелей эфирде әрбір пән бойынша ҰБТ-ға дайындалу үшін тегін онлайн-сабақтар өткізуде.
2020 жылыLIVE режимінде 2 білім беру орталығы ("QAZBILIM", "EduCon") 1000-нан астам адамды қамти отырып, 376 эфир (22 560 минут) өткізді.
2021 жылы LIVE режимінде 6 білім беру орталығы 200-ден астам адамды қамти отырып, 27 эфир (1650 минут) өткізді. Ағымдағы жылғы 23 желтоқсандағы жағдайы бойынша қаралымдар саны 26 000 құрады.
Онлайн сабақтар білім беру орталықтарының Youtube каналында өткізіледі, барлық сабақтар сақталады, сонымен қатар тікелей эфир кезінде сұрақ қою мүмкіндігі бар. Апта сайын онлайн сабақтар кестесі жасалады, сондай-ақ күн сайын ҰТО және білім беру орталықтарының әлеуметтік желілерінде хабарландырулар жарияланады.