Мейірбикелік процестің мақсаттары, оған жетудің жолдары. Мейірбикелік процестің мақсаты – науқастың денсаулығын қайта қалпына келтіру, қолдау және организмнің негізгі тұтынуын қанағаттандыру. Бұл мақсаттарға жету үшін төмендегідей міндеттерді жүзеге асыру шарт:
Науқас жайында ақпараттық мәліметтер базасын құру;
Мейірбикелік қызмет көрсету мүмкіндігін белгілеуі;
Күтудің жоспарын жасау; оны жүзеге асыру үшін қажетті ресурстарды жұмылдырып, яғни, мейірбикелік көмекті тікелей және жанамалап көр- сету.
Мейірбикелік процесте мейірбике жаңа түсінікке ие. Денсаулық саласында жұмыс істеп жүрген олардан іс жүзінде техникалық дайындығынан бөлек, науқасқа күтім жасауға үлкен шығармашылықпен келу, іскерлік таныту талап етіледі. Нақтырақ айтар болсақ, ол дегеніміз ғылыми әдістерді пайдалану, науқастың медико-санитарлық тұтынымын анықтап, оның талап-тілегін қанағаттандыру.
Мейірбикелік процесс – динамикалық, циклдік процесс. Күтім жасаудың нәтижесінде алынған ақпарат науқастың денсаулығын жақсартуға тікелей араласуға, қажетті жағдайда оңды өзгерістер жасау негізін қалауға мүмкіндік беруі тиіс.
