Мектептегі бірыңғай орфографиялық ережелер тәртібі Жалпы ережелер

Әр пән мұғалімі сабақ уақытында тақтаның дұрыс және сауатты толтырылуына жауапты. Тақтадағы жазу ұқыпты, түсінікті, орфографиялық және пунктуация-лық ережелерге сай болу керек.Мұғалім тақтаның оң жағында міндетті түрде үй жұмысын жазу керек. Мысалы: «Үйде: $ 15. №57 жаттығу»

Оқушылар әр сабақта күнделіктерді ұстауға міндетті. Күнделіктегі жазу көк сиялы қаламмен жазылып , ұқыпты, түсінікті болу керек. Күнделікте оқу про-цесіне қажетті жазулар ғана болуға тиісті. Бөтен суреттер, жапсырмалар бол-мауы керек. Оқу жылының басында күнделіктің алғашқы беттері : «Оқушы туралы мәлімет», «Мұғалімдер туралы мәлімет» , «Сабақ кестесі» , «Факуль-тативтер, қосымша сабақ кестелері» толтырылуы керек. Сабақ кестесі осы апта және келесі оқу аптасына толтырылады. Пәннің атаулары бас әріппен , ай аттары кіші әріппен жазылсын. Үй жұмыстарын оқушылар әр сабақта толық жазу керек.

Сынып жетекшісі апта сайын оқушының күнделіктерін тексеріп отыруға; орфографиялық және пунктуациялық қателерін түзеуге, оқушылардың күнделік жүргізулерін қадағалауға, ата-аналардың қолдарының қоюларын қадағалауға міндетті. Күнделік жүргізген үшін баға қойылмайды. Жазулар мен бағаларды сынып жетекшілер және пән мұғалімдері күнделікке көк сиялы қаламмен қоюлары керек.Жазулары оқушыларға түсінікті болу керек. Оқушыларға арналған ескертулер қысқаша жазылуға тиіс.

Оқушылар барлық пәндер бойынша дәптер жүргізуге міндетті. Барлық жазба жұмыстарға арналған дәптерлердің санын пән мұғалімі өзі анықтайды. Бақылау , тіл дамыту, лаборатолық және практикалық жұмыстарға арналған дәптерлер бөлек болу керек. Жазулар көк сиялы қаламмен, ұқыпты, түсінікті болу керек.

Дәптерлерде пәнге байланысты емес жазуларды жазуға болмайды. Дәптерде міндетті түрде дата, сабақтың тақырыбы, жұмыстың түрі жазылуы керек.
Дәптермен жұмыс істеген кезде мұғалімдерге қойылатын талаптар:

Әр мұғалім оқушының дәптерлерін тексеріп, орфографиялық және пунктуация-лық қателерін түзетіп отыруға міндетті.

Түзетулер мен сызуларды мұғалім қызыл сиялы қаламмен орындау керек.Көк сиялы қаламды, қарындашты, корректорды қолдануға тиым салынады. Бақылау жұмыстарын тексеру кезінде мұғалім қатенің астын сызады.Мұғалім әр жұмыстан кейін қатемен жұмыстың орындалуын оқушыдан сұрауға міндетті. Қатемен жұ-мысқа баға сынып журналына мұғалімнің қарауына байланысты қойылады. Ал «2» бағасы қатемен жұмыс үшін журналға қойылмайды.

Барлық бақылау жұмыстары міндетті түрде бағаланады. Бақылау жұмысы үшін, мазмұндамаға, шығармаларға қойылған бағалар сынып журналына қойылады. Барлық өздік жұмыстар да міндетті бағаланады. Сынып және үй жұмыстары үшін де баға қойылады.

Дәптер тексеру жиілігі оқу процесін ұйымдастыру үшін тиімді болуы керек.. Бастауыш сынып: барлық пән бойынша күнделікті тексеріліп отырады. Орыс тілі, математика, шет тілдері І –жартыжылдықта 5-6 – сыныптарда әр сабақтан кейін тексеріледі. 6-сыныптарда ІІ – жартыжылдықта аптасына 2 рет. 7-сыныптарда аптасына 2 рет. 8-9- сыныптарда әр сабақтан кейін мұғалімнің таңдауы бойынша. Бірақ бұл сыныптардың дәптерлері аптасына 1 рет тексерілуге тиіс.

Қалған пәндер бойынша дәптерлер айына 1 рет тексеріліп отырылуы керек.
Сынып журналдарын толтыру кезіндегі мұғалімдерге қойылатын талаптар.
Сынып жетекшілері және пән мұғалімдері журнал толтырған кезде міндетті түрді журнал толтыруға арналған нұсқаулыққа сүйене отырып толтыруға міндетті. Барлық жазулар көк сиялы қаламмен және сауатты, түсінікті болуы керек. Корректор мен қарындашты қолдануға тиым салынады. Пән атаулары кіші әріппен жазылады.

Мұғалімнің аты – жөні толық жазылады. «Оқушылар тізімі» графасында алфавиттік ретімен оқушының аты-жөні жазылады. Пән мұғалімдері журналды уақытылы және күнтізбелік жоспарларына сәйкес толтырып отыруға міндетті. Түзетулер жасауға тиым салынады. Журналдың сол жағында өткізілген сабақтың күні мен айы жазылады. Егер бір күнде 2 немесе 3 сабақ өткізілсе, сол күн екі –үш рет жазылады. Журналдың оң жағында күнтізбелік жоспарға сай сабақтың тақырыбы мен өткізілген күні жазылады. ( мысалы: 09.09).Бір сабақты бір жолға жазу керек. Екі жақтағы даталар бір біріне сәйкес болу керек.

Бақылау жұмыстарының бағалары уақытылы қоюлуға тиісті. Үтір арқылы баға қоюға тиым салынады.

Бағаның орнына нүкте қоюға болмайды.