Вегетативтік нерв жүйесінің симпатикалық бөлігі

Мойынның медиалды қантамырлы – нервтік шоғырынан тереңірек бесінші фасцияның ішінде немесе оның астында мойын омыртқалардың көлденең өсінділерінің алдыңғы беттерінде симметриялы түрде симпатикалық нерв жүйесінің шеткі бөліміне жататын симпатикалық бағаналар (tr.sympathici dextra et sinistra) орналасады. Бұл жүйенің орталық бөлімдері жұлынның сұр затының бүйірлік мүйіздері құрамында С_VIII, T_I -L_III сегменттері деңгейінде орналасқан және ол затты substantia intermediolateralis деп атайды.

Симпатикалық бағаналар мойында бассүйек түбінен басталып, бірінші қабырғаның мойнына дейінгі аралыққа созылады және өз құрамында бір-бірімен тармақтар арқылы байланысқа 3-4 түйіндері болады. Ең ірі түйін төменгісі болып табылады – ол көбінесе бірінші кеуделік түйінмен бірігіп кететіндіктен (ganglion cervicothoracicum), немесе жұлдыз тәрізді түйін деп аталады (gang.stellatum). Бұл түйін сатылыомыртқалық үшбұрышта орналасқан. Симпатикалық баға байланыстырушы бұтақшалар (rami communicantes) арқылы анималды нерв жүйесімен байланысады. Симпатикалық бағананың түйіндерінен тарамдалатын нервтер басқа, мойынға, кеудеге жетіп,ішкі ағзалардың бұлшықеттерін, сезім ағзаларын, бездерді, қантамырларды, жүректі, бронхтарды, плевраны т.б. қамтамасыз етеді. Әрі қарай кеуде қуысына өтіп, жолда кезбе нерв және көкеттік нервтермен, сондай-ақ мойын және иық нерв өрімдерімен нервтік байланыстар жасай отырып, жүрек-аорталық нервтік өрімнің құрылуына, сонымен қатар мойындағы және кеудедегі бірқатар рефлексогендік аймақтардың пайда болуына қатынасады.