Научно-методический журнал Серия: Естественно-технические науки. Социальные и экономические науки. Филологические науки
жүктеу/скачать 4,81 Mb. Pdf көрінісі
|
2-сан 2023 (1-серия)
|
Utepbergenov Marat Allanazarovich Utepbergenov Marat Allanazarovich 1965-jılı 13-iyunde Qaraqalpaqstan Respublikasınıń Nókis qalasında zıyalılar shańaraǵında tuwılǵan. 1990-jılı Nókis mámleketlik universitetiniń geografiya fakultetin tamamlap, miynet jolın Nókis qalalıq Xalıq bilimlendiriw bólimine qaraslı 23-sanlı ulıw- ma orta bilim beriw mektebinde oqıtıwshı bolıp islewden basladı. 1992-1993-jıllar aralıǵında Nókis mámleketlik institutınıń «Pedagogika hám psixologiya» kafedrasında stajyor-oqıtıwshı, 1994-1998- jıllar aralıǵında Tashkent qalasındaǵı A.Avloniy atındaǵı xalıq bilimlendiriw xızmetkerleriniń qáni- geligin arttırıw orayı institutınıń «Psixologiya» aspirantı, 1998-1999-jılları Ózbekstan Respublikası XBM bilimlendiriw orayı «Leksikologiya hám ekspertiza» bóliminiń jetekshi metodisti, bólim baslıǵınıń orınbasarı, bólim baslıǵı, 1999-2001-jılları Qaraqalpaqstan Respublikası Ministrler Keńesiniń sociallıq máseleler kompleksi bóliminiń jetekshi qánigesi. 2001-2009-jılları K.Ubaydullaev atındaǵı RPQQT hám QA institutı rektorı, 2009- 2013-jılları usı instituttıń Ruwxıylıq hám aǵartıwshılıq isleri boyınsha prorektorı lawazımlarında jumıs isledi. 2010-2013- jılları Nizamiy atındaǵı TMPI «Ulıwma psixologiya» kafedrasınıń izleniwshisi, 2013-2018-jılları QR XBXQTOQA institutınıń Ruwxıy aǵartıwshılıq hám ilimiy isleri boyınsha prorektorı lawazımlarında islegen. 2018-jılı Ájiniyaz atındaǵı NMPI janındaǵı XBXQTOQAA orayınıń «Pedagogika hám psixologiya tálim texnologiyaları» kafedrası baslıǵı, 2019-jıldan usı kúnge shekem Qaraqalpaqstan Respublikası pedagoglardı jańa metodikalarǵa úyretiw milliy orayı «Pedagogika hám psixologiya tálim texnologiyaları» kafedrasınıń baslıǵı hám 2018- jıldan baslap Ózbekstan Respublikası Ministrler Kabineti janındaǵı «Shańaraq» ilimiy ámeliy izertlewler orayı QR bas- qarması baslıǵı lawazımlarında islep kelmekte. M.Utepbergenov 1999-jılı psixologiya ilimleriniń kandidatı, «Ózbekstan Respublikası Xalıq bilimlendiriwi aǵlası» (2022) kókirek nıshanı, 2005-jılı docent ilimiy ataǵın, 2019-jılı psixologiya ilimleriniń doktorı ilimiy dárejesin alǵan. Ilimpaz Qaraqalpaqstan Respublikası tariyxında birinshi psixologiya ilimleriniń doktorı (DSc), onıń usı kúnge shekem 70ten aslam ilimiy, ilimiy-metodikalıq maqalaları, 2 monografiyası, 2 oqıw qollanbası jarıq kórdi. Házirgi waqıtta respublikamızdaǵı bir neshe shákirtlerdiń ustazı, onıń tikkeley ilimiy basshılıǵında R.Ibragimova (Phd) psixologiya tarawı boyınsha filosofiya ilimleriniń doktorı ilimiy dárejesin alıwǵa miyasar boldı, 30 dan aslam magistrlik dissertaciya jumıslarına ilimiy basshılıq qılģan. 2018-2019-jılları Ózbekstan Respublikası Ministrler Kabineti janındaǵı «Shańaraq» ilimiy ámeliy izertlewler orayı QR basqarması baslıǵı Marat Utepbergenov "Shańaraq" ilimiy, social, gumanitar hám jaslar baslamaları mámleketlik emes kommerciyalıq emes orayınıń baslıǵı. Bul oray respublikamızda jaslardı shańaraqlıq turmısqa tayarlaw, ajırasıw halatına kelip qalǵan shańaraqlar menen islesiw barısında úlken joybardı ámelge asırıp kelmekte. |