Қызмет етуді сертификаттау

Қазақстан Республикасы Дүниежүзілік сауда ұйымына /әрі қа­рай ДСУ/ кіруге әзірлік жасап жатыр. Осы ұйымның қызмет саудасында Бас келісіміне /ҚСБК/ қол қойған ел, техникалық кедергілер, инвистицияның бір елден бір елге еркін жүруіне кедергі жасамайды. Бас келісім бағалы кағаздар, көлік түрлері, телекоммуни­кация, құрылыс, банк жүйесі, туризм, білім медициналық қызметтер т.б. қызмет ету түрлерін қамтиды. Бас келісімге қол қойған ел, қатысушы елдерге өз рыногында ең қолайлы жағдайлар жасауға тиіс, оның ішінде, сауда тарифын төмендету, реттеу мәселелерінің анықтығы т.с.с. Қызмет етуді сертификаттау, көрсетілетін жұмысқа нақты стандарт талабы болуын қажет етеді. Республикада қалыптасқан тұрмыстық қызмет етудің ішінде - шаштараз, монша, тұрмыстық, радиоэлектроника, электр аппараттары, бас киім, сәнді бұйымдар тігу, автокөлік жөндеу, химиялық тазарту, кір жуу, аяқ киім тігу және жөндеу, үйді жөндеу т.с. кең тараған. Нарықтық экономикаға көшкелі халықаралық туризм және қонақ үй қызмет ету жұмысы да кең тарап келе жатыр.

Аталған қызмет көрсету жұмысы сертификаттауды талап етеді. Қызмет етудің кауіпсіздігіне байланысты басты міндеті бірнеше сатыларға бөлінеді. Осы көрсеткіштерге қарай сертификаттау құрылымы да өзгеріп отырады. Мысалы, шаштараз қызмет ету жұмысында әртүрлі пайдаланатын химикаттар т.б. заттар адам өміріне қауіпсіз болуы керек. Осындай көрсеткішгер автокөлік, киім тазарту т.с.с. қызмет етуді де орындалуы қажет.

Қазақстан Республикасында қызмет етуді сертификаттау автокөліктерге техникалық қызмет көрсету және өңдеу /ҚР Е 3.24-94/, химиялық тазарту мен бояу, турістік, қонақ үй қызмет ету, жолаушыларды автокөлікпен тасымалдауды сертификаттау жаңа қалыптасып келеді.

Қызмет етуді сертификаттау жүйесінің принципі, өнімдерді сертификаттау жүйесімен бірдей /міндеттілігі және өз еркімен, үшінші жақтың қатынасуы, сертификаттау органын аккредитациялау, сәйкестік сертификатын беру т.б./. Сонымен қатар қызмет етуді сертификаттаудың өзіндік ерекшелігі де бар, қызмет ету барысында орындаушы мен тұтынушының қарым-қатынасы, тұтынушыға көрсетілген қызметтің әсері, уақыты, сапасы т.б.

Қызмет ету жұмысын салыстырмалы түрде материалды емес /қасиетінің өзгеруі, жасауы, т.б./ және моральдық-психологиялық рухына әсер ету деп екіге бөлуге болады.

• 
  материалдық қызмет етудің нәтижесін тексеру;
  
• 
  көрсетілген қызметтің сапа жүйесін сертификаттау;
  
• 
  қызмет ететін жұмыскерді аттестациялау;
  
• 
  қызмет ету технология тәсілін аттестаттау;
  
• 
  қызмет көрсететін кәсіпорындарды сертификаттау;
  
• 
  инспекциялық бақылау.