Білім беру саласындағы көп қолданыста жүрген ақпараттық-коммуникациялық технологиялар:
Интерактивті тақта;
Мультимедия;
Ғаламтор кеңістігі;
Электронды оқулық.
Ақпараттық-коммуникациялық технологияларды пайдалану кезінде оқушылар түсіну үрдісіне толық қанды қатысушылар болады, оның тәжірибесі оқу танымының негізгі қайнар көзі қызметін атқарады. Мұғалім дайын білімді бермейді, бірақ оқушыларды өз бетімен ізденуге үйретеді. Мұғалім тек қана білімді алып жүруші ғана емес сонымен қатар оқушының өзіндік шығармашылық жұмысының жетекшісі және бағыт берушісі болып анықталды. Педагог өзі арқылы оқу ақпаратын жіберетін, өзіне тән фильтр рөлінен бас тартады, және жұмыста ақпарат көздерінің біреуінен көмекші рөлін атқарады.
Жаңа ақпараттық-коммуникациялық технологияларды сабақта пайдаланудың тиімділігі:
Оқушының еркін ойлауына мүмкіндік береді;
Ақыл-ойын дамытады;
Ойын ұтымды жеткізе білуіне ықпал етеді;
Тіл байлығын жетілдіреді;
Ұжымдық іс-әрекетке тәрбиелейді;
Шығармашылық белсенділігін арттырады;
Жан-жақты ізденушілігін арттырады.
«Қазіргі заманда жастарға ақпараттық технологиямен байланысты әлемдік стандартқа сай мүдделі жаңа білім беру өте қажет» деп, Елбасы атап көрсеткендей, жас ұрпаққа білім беру жолында ақпараттық-коммуникациялық технологияны оқу үрдісінде оңтайландыру мен тиімділігін арттырудың мәні ерекше.
Достарыңызбен бөлісу: |
