Оқытудағы инновациялық технология – білім берудің жаңа сапасымен қамтамасыз етудің кепілі
жүктеу/скачать 27,72 Mb.
|
| Қызықты ойынханада да тапсырмаларды көбіне оқушылар өздері дайындайды. Жұмбақ, сөзжұмбақтар, ребустар құру олардың асыға оқу, басқаның пікірін тыңдау сәттері ұнайды. Олар бір-бірінің не жазғанын, қалай жазғанын білгісі келеді, тіпті бүгін кім жақсы жазып келер екен, ішіндегі ең жақсы жазу, бәлкім, менікі болар деген ойлар арқылы олардың сабаққа деген қызығушылығы арта түседі. Жазғандарын оқи отырып, бір-біріне деген пікірлерін айтқан кезде оларды кәдімгідей сыншылар екен деп те қаласың. Яғни оқушыларда сыни ойлау,сыни көзқарастар қалыптасты.
Осы бағдарламаны білгеннен бері оқушылардың жазу қабілетін, шығармашылығын зерттеп келемін. Менің ойымша, мұғалім үшін де, оқушы үшін де жақсысы –жазба жұмысы. Себебі ойлау процесі жазу кезінде көрінеді. Жазу-көрікті ойлардың жемісі. Жазып жатқан адам әр кезде белсенді. Ол әрдайым өзіндік ойлайды да, өзінде бар білімнің барлығын қолдана алады. Ол өзінің айтқандарын нақтылай түсу үшін дұрыс дәлелдер келтіре алады. Қазақ тілі сабағында бес жолды өлең құрау, ережелерге дәлел, мысал болатын және дайын жаттығуларды көшірмей ережеге қатысты сөйлемдер құрату, тақырып мазмұнына қарай сауаттылық ашатын хаттар жазу, пирамида, болжау әдістері бойынша мәтіндер құрауға дағдылана бастады. Өзбетінше жұмыстану үстінде, ізденіспен шұғылданып, онда деректердің өзекті деген жерлерін өз жұмысында пайдалана біледі. Өз істеген жұмысы арқылы тұжырымға келіп, өзіндік пікір туады. Ол пікірді айта білу керек және оны дәлелдеп үйрену қажет. Сондықтан мұндай жұмыстардың өзінше ерекшелігі бар. Оқушы, бірінші жеке ізденіспен айналысса, сонан кейін жұптасып ортақ шешім іздейді. Ал қорытындылау кезегінде топтық жұмыс арқылы ортақ пікірге келіп, оны қатысушылармен бөлісумен қатар нақты жүйе жасап үйренеді. Ізденіспен жұмыс істей үйренген оқушы шығармашылыққа қадам басса, мұғалім өз жұмысын ғылыми бағытқа бұрып, екі тұлғада барлық мүмкіндіктерін кеңінен пайдалануға жол ашылады. Оған дәлел, ана тілі сабағында С.Сегізбайұлының «Құмырсқалар» мәтінін өткенде «Зерттеу» әдісі бойынша оқушыларға құмырсқалар туралы мәлімет жинақтауға тапсырма берілді. Оқушылар құмырсқаның тіршілік әрекеті, құдіреті (сыртқы жаудан қорғау үшін илеулерінің кіре берісін өз денелерімен қымтап, жан тапсыратыны) , одан алынатын дәрі-дәрмектер, пайдасы (топырақ түзілу үрдісіне қатысатыны, 10 миллион түрі бар,Қытайда құмырсқа кәсіпшілігі кең тарағаны), табиғат тазалықшылары, тіпті мінез-құлқы және де олардың ұйықтамайтыны туралы өз кітапшаларына жазып келген. Дүниетану сабағында «Жануарлардың сан алуандығы. Орамжапырақ көбелегі. Бал арасы» мәтіні бойынша Венн диаграммасы арқылы орамжапырақ көбелегі мен бал арасының ұқсастықтары мен ерекшеліктерін айқындау, «Неге бал арасын –еңбекқор жәндік деп атайды?» деген тақырыпта тапсырма бердім. жүктеу/скачать 27,72 Mb. Достарыңызбен бөлісу:
|