Бағдарламаның мақсаты – көмекші мектеп оқушыларының танымдық аясын дер кезінде психологиялық диагностикалау және психологиялық түзету, сонымен қатар оларда танымдық қызметке деген жағымды қатынасты қалыптастыру.
Бағдарламаның міндеттері:
Зерде бұзылыстары бар балалардың танымдық аясын дамытудың ерекшеліктерін зерттеу.
Көмекші мектеп оқушыларын арнайы таңдалып алынған дамыту ойындары арқылы жүйелі түрде түзете-дамытаоқыту.
Танымдық қызметке деген жағымды қатынасты қалыптастыру.
Танымдық аяны түзету курсының әдістемелік негізін психологтар мен педагогтар (Л.С.Выготский, Л.А.Венгер, В.В.Давыдов, А.В.Запорожец, Л.В.Занков, А.Р.Лурия, А.Н.Леонтьев, М.Н.Скаткин, Д.Б.Эльконин және т.б.) әзірлеген тұлғалық-бағдарлау және дамыта оқыту концециясы құрайды.
Оқыту Л.С.Выготский мен оның мектебінің қызметіндегі дамыту концепциясына сәйкес, оқыту актуальды дамыту аймағына – баланың даму деңгейіне және – баланың ересек адамның сәл ғана көмегімен, серіктестігімен, оның өзара әрекеттестігімен қол жеткізетін – жақын даму аймағына негізделген. Л.С.Выготский негіздеген жақын даму аймағының феномені баланың жас шамасына қарай психологиялық жаңа құрылымдарға бағытталған сензитивтік кезеңін есепке ала отырып, оқытудың дамытуды өзімен «ілестіретін» озып шығатын оқытуды білдіреді.
І бөлім – Қарым-қатынас дағдылары мен адамгершілік-ерік сапасын дамытататын ойындар. Бұл бөлім оқушыларға ересек адамдармен және құрдастарымен қарым-қатынас дағдыларын меңгеруге,жағымды эмоциялық қатынас орнатуға, түзету-дамыту үдерістің тиімділігін арттыруға көмектесетін оқу қызметіндегі өзара іс-әрекет жасаудың әлеуметтік тәжірибесін жинауға көмектеседі.
ІІ бөлім – Ұсақ моториканы, қол мен зейіннің көру-қозғалу үйлесімділігін дамытатын ойындар мектепте оқытуды жетілдіруге, танымдық аясын түзетуде маңызды болатын ойын тапсырмаларын орындауға бағытталған.
Достарыңызбен бөлісу: |
