Шелихов шығанағы – Азия жағалауы мен Камчатка түбегі аралығында орналасқан Охот теңізінің шығанағы. Ұзындығы – 650км, ені – 300км, тереңдігі – 350м дейін жетеді. Шығанаққа Гижига, Пенжина, Яма, Малкачан өзендері келіп құяды. Желтоқсан – мамыр айлары аралығында бетін мұз басып жатады. Шығанақ балық ресурстарына өте бай.
Шелихов шығынағының оңтүстік бөлігінде Ям архипелагы орналасқан. Оның құрамына: Матыкиль, Атыкан, Баран, Хатемалью, Коконце аралдары кіреді.
Амур – Шығыс Азия өзені. Ресей, Қытай және Монғолия территорияларымен ағып өтеді. Амур өзенінің бассейні Шығыс Азияның қоңыржай ендіктерінде орналасқан. Өзен бассейні 4 зонаны алып жатыр: орман, орманды дала, дала, шөлейт. Бассейннің оңтүстік-батысындағы шөлді бөліктерінде жылдық жауын-шашын мөлшері – 250-300мм, ал Сихотэ-Алинь жотасында 750мм дейін жетеді.
Достарыңызбен бөлісу: |
