Орта білім беру

Аталған шараларды келесі кезеңдер бойынша жүргізу ұсынылады:

«Қазақстан тарихы», «Дүниежүзі тарихы» және «Құқық негіздері» пәні бойынша шектеу шаралары кезіндегі оқу жылдарында жіберілген білім алушылардың біліміндегі олқылықтарды анықтап, күрделі тақырыптар бойынша консультациялар, қосымша сабақтар беру ұсынылады.

Мысалы, пән бойынша шектеу шаралары кезіндегі оқу жылдарында жіберілген білім алушылардың біліміндегі олқылықтардың орнын толықтыру үшін 11-сыныпта 10-сыныптың келесі тақырыптары ұсынылады:

• 
  «Орталық Азия өркениеттерінің ежелгі ошақтары»;
  
• 
  «Қазақстан аумағындағы этногенез және этникалық процестер»;
  
• 
  «Қазақстан аумағындағы ертедегі мемлекеттердің саяси ұйымы»;
  
• 
  «Түркі империясы-көшпенділер мемлекеттігінің классикалық үлгісі. Түркі империясының мұрагерлері»;
  
• 
  «Қазақ халқының мемлекеттік егемендігін қалпына келтіру үшін күресі»;
  

• 
  «Ежелгі әлем өркениеті»;
  
• 
  «Әлемдік діндер және өркениеттердің дамуы»;
  
• 
  «Заманауи өнердің даму тенденциялары».
  

«Құқық негіздері» пәні бойынша білім алушылардың білімдегі олқылықтарын толықтыру бойынша жұмысты ұйымдастыру кезінде, құқық жүйелі ғылым болғандықтан алдымен негізгі тақырыптар бойынша олқылықтарды анықтау үшін оқу материалының негізгі бөлімдерінен 11-сынып білім алушыларының біліміне мониторинг жүргізу ұсынылады.

10.1.1.3 құқық жүйесі және оның негізгі элементтерін түсіндіру (құқық нормалары, сала, ішкі сала, құқықтық институт);

10.1.3.2 адам және азаматтың құқықтары мен бостандықтарын жіктеу (саяси, азаматтық, әлеуметтік, экономикалық және мәдени);

1. 
   Конституциялық құқық институт тарын құқықтық норма жүйесі ретінде түсіндіру;
   
2. 
   Конституциялық құқықтың қайнар көздерін анықтау және олардың міндеттерін түсіндіру (Конституция, Конституциялық заңдар, Конституциялық Кеңестің актілері және тағы басқалар);
   

10.3.1.1 Қазақстан Республикасы азаматтық құқығының қайнар көздерін түсіндіру (Азаматтық кодексі, заңдар, заңға тәуелді актілер, Азаматтық кодексін толықтыратын және нақтылайтын ережелер);

3. 
   азаматтық құқық субъектілерін анықтау;
   
4. 
   азаматтық құқық объектілерін олардың елеулі белгілері бойынша ажырата білу;
   

10.3.4.1 Қазақстан Республикасының еңбек қатынастарын құқықтық реттеудің негізгі ұғымдары мен принциптерін түсіндіру;

1. 
   қылмыстық процестің негізгі міндеттері мен принциптерін түсіндіру;
   
2. 
   қылмыстық процесс субъектілерін ажырату;
   

1. 
   азаматтық процестің негізгі міндеттері мен принциптерін талдау;
   
2. 
   азаматтық процестің субъектілерін ажырату.
   

«Құқық негіздері» пәні бойынша білім алушылардың біліміндегі олқылықтардың орнын толықтыру құралы ретінде жаңа тақырыпты зерделеуде өткен тақырыптарды салалық белгі бойынша біріктіру ұсынылады.

Мысалы, 10-сыныпта 10.1.1.1 құқық белгілерін қорытындылай отырып, ұғымын түсіндіру оқу мақсатын 9.1.1.1 әлеуметтік нормалар жүйесіндегі құқық

ұғымы мен рөлін түсіндіру оқу мақсатын тапсырмаларда кіріктіріп беру ұсынылады; 11-сыныпта 11.3.1.1 келісімшарттың ерекше белгілерін айқындай отырып мазмұнын түсіндіруде 10.3.1.3 азаматтық құқық субъектілерін анықтау және 10.3.1.4 азаматтық құқық объектілерін олардың елеулі белгілері бойынша ажырата білу оқу мақсаттарымен кіріктіру ұсынылады.

Сонымен қатар «Құқық негіздері» пәні бойынша білім алушылардың біліміндегі олқылықтардың орнын толықтыру бойынша қосымша сабақтар, шағын топтармен жұмысты ұйымдастыру кезінде оқу пәндері бойынша келесі тақырыптарды меңгерту ұсынылады:

• 
  «Құқықтық мемлекет ұғымы және принциптері»;
  
• 
  «Адам құқықтары ұғымы және оның негізгі түрлері»;
  
• 
  «Қылмыстық құқық бұзушылықтар және қылмыстық жауапкершілікке тартылатын адамдар».
  

Сыныптан тыс оқу-тәрбие жұмыстары білім алушыларды қоғамдық өмірге бейімдейтін, жұмыс тәжірибесін жинақтайтын, жаңа жағдайдағы қарым- қатынасқа үйрететін, қызығушылықтар мен талаптарды іске асыратын әлеуметтік ортаның бір бөлігі болып табылады.