2014 жылдың 12 тамызында «2012-2016 жылдарға арналған ұлттық іс-қимыл жоспарын жүзеге асыру аясында қосымша білім беру ұйымдарындағы балалардың функционалдық сауаттылығын дамыту» тақырыбында қосымша білім беру бойынша секциясы өткізілді. Секция жұмысына қосымша білім беру ұйымдары директорлары мен директордың оқу-тәрбие ісі жөніндегі орынбасарлары, қосымша білім беру педагогтері қатысты.
Пленарлық мәжіліс Теректі ауданы Федоровка ауылының Мәдениет үйінде өткізілді. Жұмыс барысында 2012-2016 жылдарға арналған ұлттық іс-қимыл жоспарын жүзеге асыру аясында балаларға қосымша білім беру мазмұнын жаңғырту, балалар саз және өнер мектептерінде оқу-тәрбие үрдісін ұйымдастырудың жаңа тәсілдері, балалар ғылыми-техникалық шығармашылығын дамыту мәселелері талқыланды. Пленарлық мәжіліс Теректі ауданы балалар саз мектептерінің концерттік бағдарламасымен аяқталды.
Секциялық отырысы Теректі ауданы Подстепный қазақ жалпы орта білім беретін мектеп базасында 3 бағытта өтті. Отырыс барысында теориялық және практикалық бөлімдерінен: іс-тәжірибе алмасу, қорытындылау, ұсыныстар қабылдау жұмыстары және тренингтер өткізілді.
Секция қорытындысында шығармашылық ізденістері мен жетістіктері үшін педагогтар білім басқармасының мектепке дейінгі, жалпы орта, техникалық және кәсіптік білім беру ұйымдарының облыстық оқу-әдістемелік кабинетінің алғыс хаттарымен марапатталды.
| 
