Основы массопередачи
Барботажды (табақшалы) абсорберлер
жүктеу/скачать 396 Kb.
|
қосымша
Барботажды (табақшалы) абсорберлерТабақшалы абсорберлер ішінде бір-бірінен белгілі қашықтықта орнастырылған горизантальді тежегіштер – табақшалар бар вертикальді бағаналар болып табылады. Табақшалардың көмегімен фазалардың бағытталған қозғалысы мен сұйықтық пен газдың көп ретті әрекеттесуі жүзеге асады. Қазіргі кезде өнеркәсіпте табақшалы аппараттардың әртүрлі құрылысты түрлері пайдаланады. Сұйықтарды табақшалардан ағызу тәсілі бойынша барботажды абсорберлерді бағаналарға бөлуге болады: 1) ағызу құрылғысы бар табақшалармен және 2) ағызу құрылғысы жоқ табақшалармен Ағызу құрылғысы бар табақшалы бағаналар. Бұл бағаналарда сұйықтықты табақшадан табақшаға құйылуы арнайы құрылғылар – ағызу түтікшелер,қалталар, көмегімен жүзеге асырылады. Түтікшелердің төменгі ұштары төмен орналасқан табақшалардағы стаканға батырылған және газдың ағызу құрылғысынан өту мүмкіндігін болдырмайтын гидравликалық бөгендер түзеді. Құю түтікшелерін табақшаларда көрші табақшаларда өзара қарама-қарсы бағытта ағатындай орналасады. Қазіргі кезде табақшада кесілген және табалдырықпен шектелген сегменттер түбіндегі ағызу құрылғылары кең қолданылады. Ағызу құрылғылары бар табақшаларға мыналар жатады: елеуішті, қақпақты, клапанды және балластты, пластинкалы және т.б. Табақшалардың гидродинамикалық жұмыс режимдері. Кез келген құрылысты табақшалардың эффективтілігі белгілі дәрежеде олардың гидродинамикалық жұмыс режимдерінен тәуелді болады. Сондықтан табақшалардың негізгі құрылыстарын қарастырудан бұрын осы режимдерді қарастырайық. Газ жылдамдығы мен суландыру тығыздығына байланысты барботажды табақшалардың негізгі гидродинамикалық жұмыс режимін бөледі: көпіршікті, көбікті және ағынды немесе илжекциялық. Бұл режимдер барботажды қабатының гидравликалық кедергісі мен биіктігін, және де фазалар түйісу бетін анықтайтын барботажды қабаттың құрылысымен ерекшеленеді. Көпіршікті режим. Мұндай режим газ жылдамдығы төмен жағдайда, ол бөлек көпіршектер түрінде сұйықтық қабатынан өткенде байқалады. Көпіршікті режимде жұмыс істейтін табақшада фазалар түйісу беті кіші болады. Көбікті режим. Газ шығынының артуымен саңылаулардан шығатын жеке көпіршіктер ағу жерінен белгілі аралықта өте көп көпіршіктер түзе барботажды қабаттың кедергісінен бұзылатын тұтас ағынға бірігеді. Осы кезде табақшада газ сұйықтықты дисперсті жүйе тұрақты емес және газ берілу тоқтағанда ыдырайтын көбік пайда болады. Аталған режимде газ бен сұйықтық түйісуі көпіршіктер мен газ атомдарының бетінде және газ көпіршіктері барботажды қабаттан шыққанда және олардың қабықтары бұзылғанда барботажды қабаттың үстінде көп мөлшерде түзілетін сұйықтық тамшылырдың бетінде жүзеге асады. Көбікті режимде фазалар түйісу беті барботажды табақшаларда максималды болады. Ағындық (инжекциялық) режим. Газ жылдамдығы одан әрі жоғарлағанда газ ағындарының ұзындығы артады, олар ыдырамай, ірі тамшылар түзе барботажды қабат бетіне шығады. Мұндай гидродинамикалық режим шарттарында фазалар түйісу беті күрт төмендейді. Бір режимнен екіншісіне өту біртіндеп жүретінін ескерген жөн. Барботажды табақшалар үшін гидродинамикалық режимдердің шекараларын (критикалық нүктелер) есептеудің жалпы әдістері жоқ. Сондықтан табақшалы аппараттарды жобалағанда әдетте табақшаның үстіңгі және астыңғы шекараларына сәйкес келетін газ жылдамдығын есептеу жолымен анықтап, кейін газдың жұмысшы жылдамдығын таңдайды. Елеуішті табақшалар. Елеуішті табақшаны бағана (ХІ-18-сурет) диаметрі 1-5 мм көптеген саңылаулар жасалған горизонтальді табақшалары бар вертикальді цилиндрлік корпус болып табылады. Сұйықтықты ағызу және деңгейін қадағалау үшін төменгі ұштары стакандарға батырылған құю түтікшелері қызмет етеді. Елеуішті табақшалар құрылысының қарапайымдылығымен монтаж жасау және жөндеудің оңай болуымен ерекшеленеді. Осы табақшалардың гидравликалық кедергісі төмен болады.Елеуішті табақшалар газ жылдамдықтарының кең аралығында тұрақты жұмыс істейді,осы кезде газ және сұйықтық бйынша белгіліжүктеулер диапазонында жоғары эффективті болады. Сонымен қатар елеуішті табақшалар саңылауларды беттейтін ластанулармен тұнбаларға өте сезімтал болады. Газ берілу кенет тоқтағанда немесе қысымы айтарлықтай төмендегенде елеуішті табақшалардан барлық сұйықтық ағып кетеді де, процесті қайтадан бастау үшін бағананы қайтадан іске қосу керек. Елеуішті табақшалары бар абсорберлердің бір түрі көбікті абсорберлер болып табылады. Олардың табақшалары елеуішті абсорберлерден құю құрылғысының құрылысымен өзгешеленеді. Табақшалар саны бірдей болғанда көбікті аппараттардың эффективтілігі елеуішті табақшалары бар абсорберлерден жоғары болады. Алайда табақшаларда көбіктің үлкен биіктігі салдарынан көбікті абсорберлердің гидравликалық кедергісі жоғары болады, бұл олардың қолдану саласын шектейді. жүктеу/скачать 396 Kb. Достарыңызбен бөлісу:
|