Артериялық гипертензия (АГ) – артериялардағы қан қысымының жоғарылауы – әртүрлі аурулардың белгісі саналатын патологиялық симптом. Ол артериялардағы қан ағысына кедергінің және жүректің қан айдауының артуына немесе осы екеуінің де қатар орын алуына байланысты. Эссенциальдық артериялық гипертензия немесе біріншілік артериялық гипертензия деген ұғымдарды ересек адамдарда кездесетін «гипертония ауруы» мағынасында түсінеді, оның белгілері де артериальдық қан қысымының (АҚҚ) тұрақты жоғарылауымен бірге мидағы қантамырлар тонусының бұзылуы, сол қарынша миокардының гипертрофиясы, көз түбіндегі қантамырлар тонусының өзгеруімен сипатталады. Қазақстанда АГ мектеп жасындағы балалардың 3,4%, ал пубертаттық кезеңдегі балалардың 10%-да кездеседі.
