Клиникалық көрінісі. Теміртапшылығы білінетін анемияның созылмалы түрде дамуы кезінде организм компенсаторлы мүмкіндіктерді қолданып, ұзақ уақыт аурудың белгілері көрініс таппайды. Негізгі шағымдары - әлсіздік, бас айналу, ентігу, жоғары әлсіздік, құлақтың шуылдауы. Көп науқастарда тәбеттің төмендеуі, дәмнің өзгеруі, жүрек айну, тез тойып қалу, тамақтанып болғаннан кейін эпигастрий аймағындағы ауырлық сезімі, кекіру. Науқастың терісінің бозарғаны көңіл аудартады. Науқастардың терісі құрғақ, шаштары түскіш, ерте ағарады және түседі. Тырнақтары қасық тәрізді ойықтанады. Физикалық тексеруде жүректің сол қарыншасының ұлғаюын анықтайды, жүрек ұшында систолалық шу естіледі. Қан зерттеулерінде эритроциттер құрамы төмендейді. Анемияға тромбоцито-лейкопения, темір мөлшерінің төмендеуі қосарланады. Рентгенологиялық зерттеуде өңеш пен асқазанның кілегей қабатының семуіне көңіл аудару.
Емі. Темір препараттарын қабылдаумен жүргізіледі. Гастрит және асқазан ойық жара ауруларында темір препараттарын бұлшықетке немесе көктамырға қабылдаған жөн. Теміртапшылық анемиясы бар науқастарды рационына темірге бай тағамдарды: бауыр, сиыр еті, жұмыртқа, алмалар, кептірілген жидектер енгізу керек.
Достарыңызбен бөлісу: |
