Білім берудің мемлекеттік жалпыға міндетті стандарттары (мектепке дейінгі, бастауыш, негізгі орта, жалпы орта білім беру) және оқу бағдарламалары Ы.Алтынсарин атындағы Ұлттық білім академиясының www.nao.kz. сайтында орналастырылған.
Білім беру ұйымдарының әкімшілігінде МЖМБС-ның, үлгілік оқу жоспарларының, үлгілік оқу бағдарламаларының бір дана қағаз нұсқасы болуы керек.
Педагогтер МЖМБС, Үлгілік оқу жоспарлары, үлгілік оқу бағдарламаларының электронды нұсқасымен жұмыс істей алады.
Барлық оқу пәндерінен 1-11-сыныптарға арналған орта мерзімді жоспарлардың үлгілері жүйелік-әдістемелік кешенге орналастырылған (сілтеме: smk.edu.kz).
Қысқа мерзімді жоспарды мұғалім әр сабаққа әзірлейді және электронды немесе қағаз түрінде ұсына алады.
Назар аударыңыз! Сабақ өткізу күні мерекелік күндермен, ауа-райы жағдайларына байланысты актіленген күндермен, карантинді енгізумен сәйкес келген жағдайда сабақ тақырыптарын/оқыту мақсаттарын оқу пәні бойынша жақын/мәндес тақырыптармен/ мақсаттармен біріктіру / қосу, көрсетілген күнге дейінгі немесе одан кейінгі сабақтарда аз сағат санымен өткізіледі. Бұл ретте, қосымша сағаттар бөлінбейді. Біріктірілген сабақтар тақырыбы журналда бір жолда көрсетіледі. Бұндай жағдайлар мұғалімдердің еңбекақысына әсер етпейді, оқу сағаттары орындалды деп есептеледі.
Жазба жұмыстарын жоспарламау, оқу мақсаттарын біріктіру ұсынылады. Білім беру ұйымы басшысының бұйрығы негізінде осы өзгерістер электрондық журналдарды техникалық қолдау арқылы жүзеге асырылады.
