Оқу жылында қазақстан республикасының жалпы орта білім беретін мектептерінде

     Негізгі орта білім берудің негізгі міндеттері білім алушылардың қалыптасуы мен дамуы болып табылады:

1. 
   рухани-адамгершілік қасиеттер;
   
2. 
   ғылым негіздері бойынша базалық білім жүйесі;
   
3. 
   дербес оқыту және жеке тұлғалық өзін-өзі дамыту дағдылары;
   
4. 
   оқу, жобалау, зерттеу қызметін жүзеге асыру;
   
5. 
   сыни және шығармашылық ойлау;
   
6. 
   өзін-өзі жетілдіру және әлеуметтанудағы өзара іс-қимыл
   

 Негізгі орта білім берудің мазмұны мынадай бағдарларды ескере отырып айқындалады:

1. 
   қазіргі қоғамның динамикалық сұраныстарына сәйкестігі;
   
2. 
   сыни, шығармашылық және позитивті ойлауды дамыту қажеттілігі;
   
3. 
   оқу пәндерінің мазмұнын интеграциялауды күшейтудің орындылығы;
   
4. 
   бастауыш білім беру мен негізгі орта білім беру деңгейлері арасында білім беру мазмұнының үздіксіздігі мен сабақтастығы қағидатының сақталуын қамтамасыз ету;
   
5. 
   білім беру мазмұнының академиялық және практикалық бағыты арасындағы теңгерімді сақтау;
   
6. 
   оқыту, тәрбиелеу және дамыту бірлігін қамтамасыз ету.
   

Негізгі орта білім беру деңгейінде оқу процесін ұйымдастыру оқыту мен тәрбиелеудің біртұтастығы қағидатын іске асыруға, оның ішінде білім алушылардың ерекше білім алу қажеттіліктері мен жеке мүмкіндіктерін ескере отырып бағытталған. Оқытуды ұйымдастыру кезінде білім алушылардың жетекші қызметі ретінде білім алуға басым рөл беріледі.

     Негізгі орта білім беру деңгейінде білім алушылардың апталық оқу жүктемесінің ең жоғары көлемі: 5 – сыныпта – 32 сағаттан, 6 – сыныпта – 33 сағаттан, 7-сыныпта-34 сағаттан, 8-сыныпта-36 сағаттан аспайды.

     Инвариантты және вариативті компоненттерді құрайтын білім алушылардың оқу жүктемесінің жалпы көлемі, сондай-ақ сыныптар бойынша апталық және жылдық оқу жүктемесі ҮОЖ-мен белгіленеді.

Білу маңызды!

• 
  Орта білім беру мазмұнының инвариантты компоненті типтік оқу жоспарларында, вариативті компонент – жұмыс оқу жоспарларында іске асырылады.
  
• 
  Негізгі орта білім берудің типтік оқу бағдарламалары білім алушылардың ғылым жүйесінің базистік негіздерін меңгеруіне, оларда тұлғааралық және этносаралық қарым-қатынастың жоғары мәдениетін қалыптастыруға, тұлғаның өзін-өзі анықтауы мен кәсіби бағдарлануына бағытталған.
  
• 
  Негізгі орта білім беру білім алушылардың ғылымның базистік негіздерін меңгеруін, олардың бойында жоғары рухани-адамгершілік мәдениет пен тұлғааралық және этносаралық қарым-қатынас мәдениетін дарытуды, жеке тұлғаның өзін-өзі анықтауы мен өзін-өзі тануын, функционалдық сауаттылықты қалыптастыруды, бейіналды дайындықты іске асыруды қамтамасыз етеді.
  
• 
  5-8-сыныптарда «Жол жүру ережелері» оқу курсы сынып сағаттарының есебінен және сыныптан тыс уақытта сынып журналының жеке бетінде сабақ тақырыбы мен күні көрсетіле отырып, әр сыныпта 10 сағаттан жүргізіледі.