Оқу жылындағы жүргізілген жұмыстардың тиімділігі Мектеп мамандарыныа сараптама

Олардың ішінде

Жас мамандар- 1

Жоғары санат-2

І санат- 11

ІІ санат-5

Разряд-2

2016-2017 оқу жылында мектеп ұжымын 20 мұғалім құрайды. 4 бірлестік жұмыс жасауда.

1. Жаратылыстану- математика бірлестігі- 10 мұғалім

2. Гуманитарлық пәндер бірлестігі- 4

3. Бастауыш сыныптар бірлестігі- 6

4- Сынып жетекшілер бірлестігі 11

Педагог- психолог-1

Кітапханашы-1

Медбике- 1

Ортағаш орта мектебінде пәндерді алмастыратын мұғалімдер

№	Аты-жөні	Алмастырып беретін пәні	Мамандығы	Еңбек өтілі
1	Ахметов Қорғанбек Рымбекұлы	Алғашқы әскери дайындық	Қазақ тілі және әдебиет	21
2	Нұрқанова Шынар Балташқызы	Информатика	Бастауыш сынып	13

Мектебіміздің білім сапасының жақсартуымызға болашақта информатика пән мұғалімі қажет.

Оқушылардың берілген мағлұматты қабылдау деңгейін, әр түрлі қабілеттіліктерін ескере келе мұғалімдер өз жұмыстарында алуан түрлі оқыту әдістерін қолдана отырып, оқуды іске асыру барысында бар мүмкіншіліктерін жасап отырды. Оқу барысындағы әдіс- тәсідердің коррекциялануы аудандық педагогтік- психологиялық қызметтің ұсынысымен жүргізілді.

Оқушылардың ББД қалыптасуын оқу- тәрбие жұмысында жүргізілген тексерістер нәтижесіне сүйене отырып жасалды. Олар:

• 
  әкімшілік бақылау жұмыстары;
  
• 
  пәндер бойынша білім кесінділері;
  
• 
  Оқушылардың ғылыми – практикалық жұмысын қорғауы;
  
• 
  Олимпиада жарыстарына қатысуы;
  
• 
  Жұмыстар көрмесі;
  

Ортағаш орта мектебі биылғы өз жұмысында қазіргі кезде егемен еліміз білім берудің зор кеңістігіне енуге бағыт алуда екенін ескере отырып , жаңа жоспарлармен жұмыстарын бастады. Бұл педагогика теориясы мен оқу- тәрбие үрдісіндегі елеулі өзгерістерге байланысты болып отыр. Елбасы Н.Ә. Назарбаев Жолдауында ,, Қазақстан азаматтарын мемлекетіміздің құқығын қорғайтын, мүдделерін биік ұстайтын азамат етіп тәрбиелеу қажет. Біздің балаларымыздың дені сау, саналы, білімді, өрісі биік болып өсуі тиіс,, дегендей салауаттылық санасы: дене мәдениетінің мәнін, өмірлік қажеттілігін, барлық дамудың (ақылой, еңбек, адамгершілік, эстетикалық, экономикалық) табиғи негізі ретіндегі мәнін түсіну.

Осы жағдайларды оқушыға жете түсіндіре отырып, І жарты жыл көлемінде көптеген жұмыстар атқарылды.

Қазақстан Республикасының «Тілдер күні» мерекесінің өтілуі туралы

жас жеткіншектер бойына халқының қадір – қасиетін сіңіріп, өз ана тілін жетік меңгеріп, ұшқыр да шешен сөйлеуге баулу. Қасиетті ана тілін қастерлеуге, құрметтеуге тәрбиелеу мақсатында мектебімізде «Ана тіліңді - құрметте» тақырыбында қыркүйек айының 07-18 жұлдызы аралығында онкүндік өткізілді.

Онкүндік өз ана тілін мемлекеттік тілді қастерлеуге, басқа ұлттардың тілдерін құрметтеу мақсатымен өтті. Жоспарланған іс – шаралар дер кезінде өткізіліп отырылды.

Осы мақсатты көздей отырып «Ана тіліңді – құрметте» айдарымен салтанатты жиын болды. Жиын барысында жоспарланған іс – шарамыз- бен таныстыра келе, тіл мен ел тақырыбына жиі оралып, бала жүрегіне өркен жаяр елімнің тілінің нәрін беруге тырысып бақтық.

«Достықтың терең тамыры» тақырыбында орыс тілі пәнінің мұғалімі

Қ. Оспанова кездесу, «Шетел тілдерінің білгірлері» байқауы ағылшын пәнінің мұғалімі Г.Шекенованың басшылығымен өтілді. Байқау 5 кезеңнен тұрды. Оқушылар «Бүркіт», «Қырандар» деген топтарға бөлінді. Оқушыларға қазақ, орыс, ағылшын пәндерінен сұрақтар берілді. Оқушыларға тілдердің қадір-қасиетін ұғындыру, тілдік құндылықтарды дәріптеуге, құрметтеуге тәрбиелеу мақсаты көзделді.

«Тіл – аса қадірлеп ұстайтын байлығымыз» тақырыбында 6-сыныпта дөңгелек үстел өткізілді. Дөңгелек үстелдің мақсаты оқушылардың Қазақстан Республикасының мемлекеттік тілі – қазақ тілі туралы түсініктерін, оның қоғамдық өмірдегі алатын орнын, мәртебесі жайлы ойларын тереңдету болды.

«Елім менің - тірегім» тақырыбында М.Өтежанұлының ұйымдастыруы-мен қабырға газеттері шығарылды. Мемлекеттік тіл мәселесі ең маңызды рөл атқарып тұрған кезеңде еліміз туралы ақпараттарды шәкірттер санасына ұялату, зердесіне құю мақсаты көзделді.

«Үш тұғырлы тіл» тақырыбында И.Жоламанқызы оқушылармен зияткерлік ойын өткізді. Әр елдің өзіндік ерекшелігі, салт-дәстүрі, тілі болатыны жайлы айтылды. Атаның қасиетті сөзінен, ананың ақ сүтінен бастау алатын тәрбиеміз адамдыққа, достыққа үндеуді ұғындыру мақсатында ойын жақсы өткізілді.

«Мәңгілік Еліміздің Мәңгілік тілі» тақырыбында 9-11 сынып оқушылары арасында шығармалар жарысын тіл мамандары ұйымдастырды. Туған тілдің қазіргі мән – жайы қай қазақты болса да бей – жай қалдырып отырмағаны, Тәуелсіздік алып, аңсаған бостандыққа қол жеткізгеніміз, қазіргі қоғамның тіл жайындағы ой-пікірлерін ашық жазып бере алды.

«Ұлттық тіл – мәдениеттің негізі және ірге тасы » тақырыбында Н.Қабаева мен Ф.Қайырбай танымдық ойын ұйымдастырды. Ойын барысында оқушылармен бірге тақырып төңірегінде ой – өрістерін қалыптастырып, ойын ашық айтуға баулуды және ойлау қабілеттерін, тіл байлықтарын дамыту мақсаты көзделді.

«Бала тілі -бал» тақырыбында балабақша, даярлық топтары арасында З.Жексенқызы мен Б. Айдарханқызы мәнерлеп оқу байқауын өткізді.

Оқушылар байқауда өздерінің білетін өлең жолдарын оқып берді.

«Тілдарын -2016» тақырыбында 1-4 сыныптар аралығында тәрбие сағаты өткізілді.

«Қазақстан көп ұлтты мемлекет» тақырыбында патриоттық әндерден байқау өткізілді. Жерін сүйіп, елін қорғай білуге, батыл, ержүрек болуға тәрбиелей отырып оқушының үлкенге деген, ата – анаға деген құрмет –сыйын арттыру, инабаттылыққа, имандылыққа тәрбиелеу мақсаты көзделді.

Жалпы айтқанда, өткізілген онкүндіктен оқушылар мен ұстаздар қауымы да зор әсер алды. Олай болса құнды біліммен қатар өнегелі тәрбие алу біздің еншімізде екенін ұмытпауға тиіспіз.

Осы бағытта өткізілген іс- шаралардан оқушылар көп әсер алды деп айтуға болады. Жалпы, өткізілген онкүндік мағынасына сай, кең көлемді тақырыпта жүргізілді.

Әдеттегідей қыркүйек айының ортасынан бастап мектепішілік нөлдік білім кесіндісі алынды.