Оқулық Алматы, 012 М. Ə. Бөлешов ƏӨЖ 614(075. 8) Ббк 51. 1я73 б 78
жүктеу/скачать 2,02 Mb. Pdf көрінісі
|
Бөлешов.2012.ҚДС.
| 4-тарау.
ДЕНСАУЛЫҚ САҚТАУДЫ ҰЙЫМДАСТЫРУ Денсаулық сақтау жүйесі тұрғындарды əртүрлі медициналық көмекпен қамтамасыз етуге бағытталған шараларды жүзеге асыра- тын медицина мекемелерінің құқықтық базасы мен мамандармен қамтамасыз ету жұмыстарын қамтиды. Заңдық негіздерде емдеу- профилактикалық, алғашқы медициналық-санитарлық жəне арнайы медициналық көмек қарастырылған. Алайда медициналық-əлеуметтік көмекті жіктеудің өзге де түрлері бар. Емдеу-профилактикалық көмекті көбінесе ауруханадан тыс (амбулаторлық-емханалық), ауруханалық (немесе стационарлық), жедел жəне күттірмейтін, реабилитациялық жəне санаторлық-курорттық медициналық көмектерге жіктейді. Медициналық көмектің көрсетілу деңгейіне немесе біліктілігіне қарай дəрігерге дейінгі, дəрігерлік, білікті, арнайы (мамандандырылған) жəне аса мамандандырылған білікті көмек деп жіктейді. Алайда, емдеу- профилактика үдерісін, реабилитациялық жəне профилактикалық көмекті осылайша жіктеу оның мағанасын толық ашып көрсете ал- майды. Себебі медициналық көмек - өте күрделі жəне көп деңгейлі механизм. Оның элементтері үнемі өзгеріске ұшырап отырады жəне бір-бірімен тығыз байланысты. Мысалы, емхананың құрамында стаци- онарлар болуы мүмкін. Санатарлық-курорттық көмекті ұйымдастыру- да амбулаторлық мекеменің жұмысы да қарастырылуы ықтимал. Ал диспансерлердің құрамында емхана мен стационарлық бөлімдер бар. Денсаулық сақтау жүйесі біздің елде салалық құрылымда ұйымдастырылған. Оның мынадай салалары бар: 1) емдеу-профилактикалық (амбулаторлық-емханалық, аурухана- лар, диспансерлер, жəне т.б.); 2) Ана мен балаларға арналған медициналық көмек; 3) Санитарлық-эпидемиологиялық қызмет; 4) Медициналық-фармацевтикалық өндіріс, дəріханалық мекеме- лер мен шаруашылықтар; 5) Медициналық білім мен ғылым – жоғарғы жəне орта медициналық оқу орындары, ғылыми-зерттеу институттары; 6) Санаторлық-курорттық мекемелер; 7) Патологоанатомиялық, сот-психологиялық сараптау қызметі; Жоғарыда аталған ұйымдар (мекемелердің түрлері) медициналық көмек жүйесінің негізін құрайды жəне мемлекеттің қаржысына сүйенеді. Емханадағы ауруларға көрсетілетін медициналық көмек тера- певттік, педиатриялық жəне жеке дəрігерлік мамандықтар бойын- ша беріледі. Жеке мамандықтардың ішінде хирургиялық, акушерлік- гинекологиялық, кардиоревматологиялық көмек көрсетілуі мүмкін. |