Тілдердің дараланушы типі – тілдерді морфологиялық
(типологиялық) топтастыруға сәйкес бір типі. Т.д.т. Сөз түрлендіру
қасиет болмайды, Сөзжасам өте әлсіз дамыған, мәнді және мәнсіз
сөздердің арасында аздаған қайшылықтар болады, грамматикалық
мағынаның берілуі үшін Сөздердің орын тәртібі мен интонация
ерекше орын алады. Т.д.т.қытай тілі, вьетнам тілі, тибет, кхмет
және басқа тілдерге жатады.
Тілдердің инкорпоратив типі (полисинтетикалық)
– тілдердің морфологиялық (типологиялық) топтастырылуына
сәйкес келетін тіл типтерінің бірі. Т.и.т. негізгі сипаты етістік
– баяндауыш құрамына объекті мен қимыл пысықтауышты,
кейде бастауышты енгізетін инкорпоративті комплекстің немесе
инкорпорацияның болуы. Инкорпорация компоненттерінің
жалғану тәсілі – Агглютинация. Кейде инкорпорация ішінде
ілеспелі өзгеріс болуы мүмкін. Т.и.т. американдық үндістер тіліне
чинук пен кейбір палеоазиат (чукот, коряк) тілдері жатады.
