108-сурет. Тамыр жегі
Кеселдің дамуына сапасыз тұқым, себуді мерзімінде жүргізбеу, бір дақылдылық, температураның күрт өзгеруі, топырақ бетінің қабыршықтануы, қоректің жетіспеуі, сондай-ақ ауыр сазды топы- рақ қолайлы жағдай туғызады. Аурудың негізгі қоры – залалданған өсімдік қалдықтары мен топырақ.
Кесел көктемгі созылмалы, суық жылдары қатты дамиды. Өсімдік өскіні көрінгенен бастап екінші қос жапырағы шыққанға дейін залалданады. Өскіннің ұшында дақтар, сызықшалар пайда болып, қарая бастайды. Дақтар ұлғая келе қосылып, тамырша түгел қараяды.
Өскіннің тамыр мойны залалданса, оның ұлпасы қарайып ші- риді. Тұқым жарнағының кейде сағағы да шіриді. Ауру өсімдіктер нашар дамып, жансызданып қурайды. Егер өсімдік тамыры ауруға шалдыққан сабағын жаңартатын болса, онда ол кеселден сауығуы мүмкін. Жетілген өсімдіктер бұл ауруға төзімді келеді.
Достарыңызбен бөлісу: |
