Сомалық эмбриогенез (гр. embryon – ұрық, genesis – шығу тегі, ағ. somatic
embryogenesis) – ұлпаларды жəне жасушаларды қоректік ортада өсіргенде ұрық
тəрізді құрылымдардың түзілу үдерісі, табиғи жағдайдағы ұрықтың дамуына өте
ұқсас болады.
Сорғалаң (течка) – жыныс бездерінен, жатырдан жəне жатыр түтікшесінен
бөлінген шырыштардың көрініс беруімен аяқталатын, аналықтың жыныс
мүшелерінің қызарып, ісіну кезеңі.
Сперматозоид – өздігінен қозғала алатын жəне аналық жұмыртқаға ену
арқылы аталықтың тұқымдық ерекшелігін болашақ ұрпаққа беру қабілеттілігіне ие,
ұсақ, гаплоидты аталық жасушалары.
Сплайсинг (ағ. splice – тұтастыру, өріп қосу) – иРНҚ-ның транскрипциядан
кейінгі «пісіп» жетілуі, яғни информациясы жоқ өліктерінің (интрондардың) кесіліп
алынып тасталынуы жəне информациясы бар бөліктерінің (экзондардың) бір-
бірімен жалғасу үдерісі.
Стерилизациялау – хирургиялық киімдерде, құрал-жабдықтар мен
зертханалық ыдыстардағы микробтар мен олардың спораларын жоюға бағытталған
жұмыстар.
