11.12 -сурет . Динисторлардың (а) жəне тринисторлардың (б)
шартты графикалық көрінісі
Симметриялық тиристор - бұл бір-бірін тұйықтайтын екі
тиристордың қарсы қосылуы. р-типті электр өткізгіштігі бар
аймақтардың біреуінде тиісті басқарушы шығысы бар түзеткіш
контакт
жүзеге
асырылса,
симметриялық
тиристорды
басқарылмалы етуге болады.
Транзисторлар сияқты тиристорлар электронды вакуумдық
құрылғыларды ауыстыру кезінде тиімді болып шықты; оларды
қолдану электроника жəне электротехника саласындағы бірқатар
жаңа мəселелерді шешуге мүмкіндік берді.
Көптеген жағдайларда функционалды міндеті ұқсас схемалар
транзисторларда да, тиристорларда да жинақталуы мүмкін.
Қуатты жəне аса қуатты тиристорларды қолданудың ерекше
саласы электр энергетикасы болып табылады. Тоқтың кез-келген
параметрлерінің шағын өлшемді, сенімді жəне үнемді статикалық
түрлендіргіштерін құру мүмкіндігі электр энергиясын тасымалдау
жəне үлестіру, электр жетегін жəне басқа электротехникалық
құрылғыларды басқару жүйелерін одан əрі жетілдіру үшін үлкен
перспективалар ашады.
Транзисторлар мен тиристорларды таңбалау əріптік-цифрлық
кодпен жүзеге асырылады. Бірінші орында тұрған əріп немесе сан
бастапқы жартылай өткізгіш материалды сипаттайды: Г (немесе 1)
— германий; К (немесе 2) — кремний. Екінші орында тұрған əріп
аспаптың класын білдіреді: Т — биполярлық транзистор; П — дала
транзисторы; Н — динистор; У — тринистор. Үшінші орында
аспаптың параметрлерін анықтайтын сан тұрады (қуаты, тоқ,
жиіліктер диапазоны). Содан кейін 01 бастап 99 дейінгі екі таңбалы
сан тұрады, ол əзірленім нөмірін, жəне технологиялық типті түрді
көрсететін əріпті білдіреді.
11.7. ЖАРТЫЛАЙ ӨТКІЗГІШТІ РЕЗИСТОРЛАР
