Оқулық «Білім беруді дамытудың федералды институты»
жүктеу/скачать 34,93 Mb. Pdf көрінісі
|
Бишаева Дене шынықтыру
| (грек. аrthron - буын) —
буынның дистрофиялы созылмалы зақымдануы. Деформациялы артроз буын шеміршегіндегі дистрофиялық процестердің буын беттерін деформацияға ұшыратуы; сүйек эпифиздерінің зақымдануы – остеоартроз, омыртқа аралық дискінің зақымдануы – дискартроз деп аталады. Астениялық реакция (грек. astheneia - әлсіздік) — көңіл- күйдің тепе-теңсіздігі мен шаршаудың жиілігі байқалатын ауру түрі. Өзін-өзі бақылау, шыдамсыздық, ұйқының бұзылуы, созылмалы ақыл-ой мен физикалық стресстік қабілеттерін жоғалту, қатты дыбыстарға, жарқын жарық пен өткір иістерге төзімділіктің төмендеуі. Бұл көбіне ішкі ағзалардың, инфекциялардың, интоксикацияның, эмоционалдық, ақыл- ой және дене күшінің шамадан тыс асып кетудің, дұрыс ұйымдастырылмаған жұмыс, демалыстың, дұрыс тамақтанбау, сондай-ақ жүйке және психикалық аурулармен ауыратын аурулардың салдарынан туындайды. Көз астигматизмі — көздің мөлдір қабығының, кейде қарашығының қиығы бірдей болмауы. Оның себебі көздің көру жүйесіндегі линза формасының дұрыс болмауына байланысты. МЕДИЦИНА - ЛЫҚ ЖӘНЕ СПОРТТЫҚ ТЕРМИНДЕР СӨЗДІГІ 293 Астигматизм кезінде көздің қабығы сферикалық дұрыс қалпынан ауытқып, не ұзынына не көлденеңіне қарай қисаяды. Соның салдарынан көру бұлдырлап анық болмайды. Астигматизмнің бірнеше түрлері болады. Тұрақсыз ( жүйесіз) астигматизм – бұл жұмсақ түйіспелі линзалар мен көзілдірік кию арқылы қалпына келтіру мүмкін емес, негізінен ол жүре пайда болған кесел. Тұрақты астигматизм - бұл негізінен туа пайда болған кесел, оны көзілдірік кию арқылы түзетуге болады. Атеросклероз (грек. athrа — ботқа және sklrsіs — қатаю) — қан тамырларының ішкі бетіне холестериннің сіңіп, жиналып, түйін тәрізді шоғырланып қалуы. Холестерин сіңіп қалған орын бастапқы кезде сары жолақ дақ түрінде болса, келе-келе қатайған түйінге айналады. Атеросклероз денедегі ең ірі қан тамыры — қолқада жиі пайда болады. Атеросклероз салдарынан қолқаның жұқарған жерлері қалталанып кеңиді (аневризма) де, басқа органдардың қан тамырларын бекітіп тастайды. Әйелдерге қарағанда бұл ауру түрімен ер адамдар көп ауырады. Аурудың дамуында тұқым қуалайтын бейімділігі, сондай-ақ организмнің жеке ерекшеліктері маңызды. Атеросклероз салдарынан қант диабеті, семіздік, дене белсенділігінің төмендігі, психо- эмоционалды артықшылығы, т.б. ұшырау мүмкін. Аутогенді жаттығу (грек. autos— өзім и genes — тұқым) — пациенттерді бұлшықеттік релаксацияға, өз-өзіне сендіруге, назарды дамытуға бағытталған психотерапевтік емдеу әдісі. Ол неміс ғалымы И.Шульцпен (1956 жылы жарық көрген) ұсынылған. Науқас ағзасына жылулық сезімін тудыру, аяқ- қолды релаксациялау, тыныштықты сезіну арқылы емдеудің қолайлы нәтижесі. Бейсбол (ағылшынша baseball, base – негіз, ball – доп ) – таяқша мен доп арқылы ойналатын спорттық командалық ойын түрі. Әр ойында екі команда ойнайды. Олар шабуыл мен қорғаныста кезекпен ойнайды. Қожайын команда ойынның басында қорғаныста, ал қонақ команда шабуылда ойнайды. Қорғаныстағы команда ойыншылары алаңға шығып, шабуылдаушы командаға ұпай жинауға тосқауыл болады. Ойын тегіс, төртбұрышты көгалды алаңда өткізіледі. Әр команда құрамында 9 ойыншы болады. Биологиялық ырғақ — тірі ағзалардағы биологиялық процестер мен құбылыстардың сипаты мен қарқындылығын кезең-кезеңмен өзгеруі. Бодибилдинг жүктеу/скачать 34,93 Mb. Достарыңызбен бөлісу:
|