3.3.3 Оқыту формалары, әдістері мен құралдары ТПП-тің қозғаушы механизмі ретінде Оқыту құралдары туралы түсінік. ТПП-тің оқыту құралдары –
іс-әрекет түрлері (ойын, таным, еңбек, қарым-қатынас). Дидактикадағы дәстүрлі оқыту құралдары және оларға сипаттама. Құралдар – мазмұнмен жұмыс жасайтын материалдық тәсілдер мен
әдістер. Оқыту құралдары – мұғалімге оқытуда көмектесетін аспаптар мен
деректер, олар оқушылардың танымдық іс-әрекетін ұйымдастыруға
көмектеседі. Оқыту құралдарына мұғалімнің сөзі, оқулықтар, оқу құралдары,
кітаптар, анықтамалық әдебиет, оқу жабдығы мен көрнекі құралдар, оқу
киносы, радио, дыбыс таспасы, теледидар, интерактивті тақта, т.б. техникалық
құралдар, бағдарламалық оқытудың арнаулы құралдары –бағдарламалық
оқулықтар, электронды-мультимедиалық оқулықтар мен оқу құралы, үйрететін
машиналар жатады.
Оқыту құралдары дегеніміз – мұғалімдер мен оқушылар арасында
білімдерді меңгеру, танымдық және практикалық іс-әрекет тәжірибесін
қалыптастыру үшін қолданылатын материалдық және идеалды обьектілер (98-
сурет).
