И.Я.Лернер, М.Н.Скаткин бойынша оқушылардың таным-белсенділігі
деңгейіне қарай топтастырылған
әдістер :
1) Түсіндірмелі-иллюстративтік әдіс . Бұл әдіс арқылы оқушылар
ақпараттарды меңгереді. Оны басқаша ақпараттық қабылдау әдісі деп атайды.
Осы әдіс арқылы мұғалім дайын ақпараттарды оқушыларға түрлі құралдармен
түсіндіреді, ал оқушылар ақпараттарды түсініп, естерінде сақтайды.
2) Репродуктивтік әдіс арқылы мұғалім оқушының іскерлігін және
дағдыларын қалыптастырып, тапсырмалар беріп, өзі меңгерткен білімді,
үйреткен іскерлік дағдыларын оқушыларға қайталатады. Репродуктивтік әдіс
мұғалімнен ұйымдастырушылық қабілетті талап етеді. Мұғалім сөздік,
көрнекілік, тәжірибелік әдістер арқылы жаңа оқу материалын түсіндіреді, ал
оқушылар оларды тапсырмаларды орындау үшін қолданады.
3) Зерттеу әдісі шығармашылық жұмыс тәжірибесін жақсы үйрену үшін
қолданылады. Зерттеу әдісі арқылы оқушы білімін қолданып, ғылыми таным
әдістерімен жұмыс істеп үйреніп, жаңа мәселелерді шешу тәжірибесін
269
жинақтайды. Зерттеу жұмыстары сабақта, үйде орындалып, бір аптада, бір айда
орындалатын тапсырмалар жоспарланады.
