4. Типологиялық зерттеуде белгілер кеңістігіндегі басым белгі, типологиялық басымдылықтар арасынан міндетті түрде доминант анықталуы тиіс. Әр деңгей бойынша
анықталған типологиялық басымдылық түрлері тіл үшін маңызы
бірдей ме, әлде біреуі басымдылықтарды анықтайтын басым
белгі бола ма деген сауал әр деңгей тұрғысынан бағаланғаны
абзал.
5. Салғастыруда тіл деңгейлері арасындағы иерархиялық, өзара байланыс қатаң сақталуы керек. Бұл ұстанымдарды лингвистикалық типологияда
пайдалану салғастырмалы-типологияны дамытуға, лингвис-
тикалық типологияның метатілін байытып, қалыптастыруға
ықпал жасайды. Қазақ тілін басқа тілдермен салыстыра және
салғастыра зерттеуді дамыту – ана тіліміздің аясын кеңейтіп,
мемлекеттік тіл ретіндегі статусы мерейінің үстем болуына
әсер ететіні сөзсіз.
Типологиялық зерттеулер тілдің барлық деңгейінде
(фонология, морфология, лексика, синтаксис, сөзжасам)
жүргізіледі, тіпті онда сөз типологиясының өзі арнайы
қарастырылады. Мұндай жұмыстар циклы деңгейлік, аспектік,
жүйелік типологияны құрайды.
