Ауыл шындығының жыршысы . Б.Майлин ХХ ғасырдың 20-30
жылдарында Қазақстанда ауыл өмірінде болған өзгерістерді өзінің
өлеңдерінде жан-жақты суреттейді. Ақын өзінің идеясын жалпы
айтпай, нақты бір кейіпкердің тағдырын суреттеу арқылы ұсынады.
Осы орайда ақынның Мырқымбай деген кейіпкердің айналасында
жазған бір топ өлеңдері өзінің идеялық тақырыптық ортақтығымен
цикл құрайды.
Қысқасы, Бейімбет поэзиясындағы Мырқымбай – бүкіл ауыл
кедейлерінің басынан кешкен тарихын баяндап беретін, оның
санасында болған өзгерістерді көз алдыңа елестете алатын шынайы да
шебер жасалынған жиынтық бейне.
Бейімбеттің басқа өлеңдерінің де басты кейіпкерлері – ауыл
кедейлері: Тымақбай мен Талқанбай, Торсықбай мен Айранбай,
Қайранбай мен Қордабайлар болды. Бұлардың да жинақталған бейнесі
халықтың сүйікті образына айналған Мырқымбай бойынан табылады.
Сонымен, төңкерістен бұрынғы және кейінгі жылдардағы ауыл
шындығының шежіресі- Бейімбет поэзиясының ең басты маңызды
тақырыбы екенін айқындайды.
