- Альфия Сырымқожақызы, сізді 8 наурыз - Халықаралық
әйелдер күнімен шын жүректен құттықтаймын. Осы мереке
қарсаңында облыс әкімінің қабылдауында болып жылы
лебізіне, алғысына ие болдыңыз. Ендеше алған әсеріңізбен
бөліссеңіз?
-
Рахмет. Осы орайда айтып өтсем, өмірлік басты
ұстанымым «Өмірге адам болып келгесін, адам болып
қалуы тиіс». Облыс әкімінің менің жас ерекшелегіме қарамай,
кішкентай ғана еңбегімді елеп, құрметтеп қарауы мен үшін үлкен
мәртебе. Ерен еңбек сіңірген, көп балалы, тәжірибелі асыл
аналардың қатарына қосып, еңбегімді бағалаған облыс әкімінің
қабылдауында болу мен үшін зор қуаныш. Ұзақ жылдар бойы
қызмет жасап, сол қызметінің арқасында зейнеткерлікке шығып
отырған ақжаулықты аналарымыздың қатарына теңестіріп
шақырту алғанда, бір жағынан «дәл осындай құрметке ие болу
маған әлі ерте» деп ыңғайсызданғаным да рас. Әйтсе де алдына
мақсат қоя білген жан қашан болса да өз арманына қол жеткізеді
және тоқтап қалмай, қызығушылықпен еңбек ете түседі. Мен бір
бақытты билет ұтып алғандай күйде болдым. Алайда «судың
да сұрауы бар» демекші менің бұл күнге қол жеткізуімнің себебі
өз мамандығымды сүйіп, өз ісімнің шебері болуға ұмтылысым.
Достарыңызбен бөлісу: | 
