«Әйел-ана тіршіліктің мөлдір бұлақтай ағып жатқан көзі
ғой. Құдай Хауа Ананы барша адамзат баласының
анасы болу үшін жаратады. Ана болып жаралған соң өмірдің бар қуанышы мен өкінішін нағыз әйелдер ғана
өткеріп, төзімділігінің арқасында ер азаматтармен теңдес болып, елі үшін құрбан болған қазақтың қаракөз
қыздары, ақжаулықты аналары аз емес.
«Алғысқа ие Альфия!»
«Заманына қарай адамы» демекші, бүгінгі таңда ер
азаматтармен иық теңестіріп, еңбектерінің жемісін көріп,
көптің көңілінен шығып, үлкен биіктерді бағындырып жүрген
нәзік жандылардың қатары Ақжайық елінде де кеңінен көбейіп
келеді. «Қолда барда алтынның қадірін біліп», елеулі еңбектерін
бағалаған Батыс Қазақстан облысының әкімі Ноғаев Нұрлан
Асқарұлы міне осындай азаматшаларымызды табиғатты
шуағына бөлеп, тыныс-тіршілігімізге нәр берген көктемнің
шұғылалы мерекесі - 8 наурыз Халықаралық әйелдер күнімен
шын жүректен арнайы құттықтады. Құттықтау лебізіне жас
та болса өз еңбегінің шебері болып, бүгінгі таңда М.Өтемісов
атындағы Батыс Қазақстан мемлекеттік университетінің
тәрбие жұмысы жөніндегі бөлім жетекшісі Жақсығалиева
Альфия Сырымқожақызы да ие болды. Біз де үлгі тұтар жас
ұстазымыздың тамырын басып, жеткен жетістігінің сыры неде
деп әңгімеге тарттық.
Достарыңызбен бөлісу: | 
