Мырзалиев б. С
жүктеу/скачать 1,73 Mb. Pdf көрінісі
|
Мырзалиев бухгаотерлік
- Бұл бет үшін навигация:
- № 3 есеп
- № 4 есеп
- III. Ауыл шаруашылығындағы бухгалтерлік есеп
| №
2 есеп Кəсіпорынның кассасында 47815 теңге колма - қол ақша бар . 93 Есепті кезең ішінде кассаға төмендегі ақша қаражаттары келіп түсті : а ) салымдар мен пайлардан 348700 теңге , б ) өнім , тауарлар өткізуден 1373958 теңге . Жұмсалған қаражаттар : Кассадан есеп айырысу шотына 705000 теңге өткізілді ; персоналға 236718 теңге еңбек ақы берілді ; уақытша еңбекке жарамсыздық парағы ( бюллетень ) бойынша 12478 теңге төленді ; есепті тұлғаларға іссапар шығыстары мен басқа шаруашылық мұқтаждықтарына 26258 теңге берілді ; жалдың ақысына 36600 теңге қолма - қол ақша төленді ; жеткізушілердің шоттары бойынша 748017 теңге мөлшерінде қолма - қол ақша төленді . Көрсетілген өзара есеп айырысулардан соң есеп айырысу шотындағы ақша қаражаттарының қалдығын анықтап , есеп регистрін дұрыс құрыңыз . № 3 есеп Кеңсенің жалы үшін 36400 теңге мөлшерде жал ақысы ( жалдық келісім бойынша ) есептелді . Өткізілген тауарлардың құны ( сатып алынған баға бойынша ) өткізудің өзіндік құнына 1248718 теңге шығыс етілді . Персоналға 347015 теңге еңбек ақы есептелді . Персоналдың еңбек ақысынан 65586 теңге əлеуметтік салық есептелді . Əлеуметтік қамсыздандыруға 5205 теңге қаржылар есептелді . Есепті сомаларға сатып алынған кеңсе заттары 5137 теңге мөлшерде өзіндік құнға шығыс етілді . Іссапар шығыстары 16088 теңге өзіндік құнға шығыс етілді . Көлік салығы бойынша шығындар 7808 теңге өзіндік құнға шығыс етілді . Бұл шығыстар шығындардың қандай түріне жататынын анықтап тиісті шот бойынша есеп регистрін құрыңыз жəне ол 571 « Жиынтық табыс ( залал )» шотына қандай сомада жабылатынын есептеп шығарыңыз . № 4 есеп Кəсіпорын сауда - коммерциялық қызметтен 3446856 теңге мөлшерінде жылдық жиынтық табыс тапты . Қаржылық есеп бойынша шығындардың мөлшері 3289578 теңге құрайды . Салық есебі бойынша шегерулердің көлемі 3201327 теңгеге тең болды . Кəсіпорын бір жыл ішінде салық инспекциясына 57043 теңге айыппұлдар мен өсім төледі . Қаржылық жəне салық есептер бойынша табыстардың мөлшерін есептеңіз , одан соң оларды салыстырыңыз жəне бөлінбеген табыстың ( жабылмаған залалдың ) мөлшерін анықтаңыз . 94 III. Ауыл шаруашылығындағы бухгалтерлік есеп Экономиканың ауыл шаруашылығы саласы жөнінде сөз айта отырып бұл саланың ерекшеліктері туралы атап өтпеу мүмкін емес . Ол адамның тамақ жəне күнделікті тұтыну ( астық , картоп , ет , сүт , тері , жүн , мəндір , мүйіз жəне т . б .) заттармен қамтамасыз ету үшін қажетті шикізат пен өнімді жеткізіп беруші басты тобы болып саналады . Оның басты ерекшеліктері : 1) ауыл шаруашылығы өнімдеріне бағалар шектеулі болады ; 2) барлық ауыл шаруашылық мəселелерінің шешімдері жер мəселесімен тікелей байланысты болады ; 3) ауыл шаруашылығы көбінесе табиғи жəне ауа райына байланысты болады ; 4) өсімдік шаруашылығында суды пайдалану ; 5) ауыл шаруашылық өндірістің бытырап орналасуы жəне т . б . Өндіріске əсерін тигізетін бұл факторларды есепке ала отырып мемлекет ауыл шаруашылығындағы корпоративтік табыс салығының мөлшерлемесін 10%- ға дейін төмендетті . Ауыл шаруашылығы өндірісінің бухгалтерлік есебін « Арай » акционерлік қоғамының ( АҚ ) нақты мысалында қараймыз . « Арай » АҚ - ң реквизиттері : СТТН № 581400002406. Түркістан қаласындағы « Темір » банкіде № 000439209 есеп айырысу шоты бар . Кəсіпорын Түркістан ауылдық аймағының Қарашық ауылында Б . Майлин көшесіндегі № 38 үйге жайғасқан . Бас директор : Əбдішүкіров Д . Р . Бас бухгалтер : Əбілова . Д . М . Кəсіпорын ауыл шаруашылығымен айналысады . Бидай , мақта өсіреді жəне сүт өндіреді . « Арай » АҚ - ы өзінің қызметін 3 жыл алдын бастаған . Қазіргі уақытқа дейін сауын сиырлардың негізгі табыны қалыптасқан . Кəсіпорында барлық қажетті қоражайлар , ауыл шаруашылық жəне өнім жинайтын техника , автокөлік паркі бар . Пайдаланылатын ауыл шаруашылық жерлер – 2450 га , оның ішінде : жыртылған жер – 350 га , жайылым – 1500 га , суарылмайтын жер – 600 га . I. Кəсіпорында 2003 жылдың 1 қаңтарына құралдар мен олардың көздерінің төмендегі түрлері бар : 95 1) Үйлер мен ғимараттардың баланстық құны 2000000 теңге . 2) Үйлер мен ғимараттардың тозуы – 400000 теңге . 3) Машиналар мен жабдықтардың баланстық құны 1000000 теңге . 4) Машиналар мен жабдықтардың тозуы – 200000 теңге . 5) Көлік құралдарының баланстық құны 600000 теңге . 6) Көлік құралдарының тозуы – 100000 теңге . 7) Құнарлы мал ( негізгі табын ) – 3500000 теңге . 8) Құнарлы малдың төлі – 600000 теңге . 9) Материалды - жауапты тұлғалардың қалдықтары мен қоймада 300000 теңгеге материалдар бар . 10) Кəсіпорынның кассасында 40000 теңге қолма - қол ақша бар . 11) Банктегі есеп айырысу шотында 180000 теңге ақша бар . 12) Персоналға 300000 теңге мөлшерде еңбек ақы есептелген , бірақ берілмеген . 13) Кəсіпорын 500000 теңгеге материалдар алып , əлі жеткізушімен есеп айырысқан жоқ . 14) Кəсіпорында алдыңғы жылдардың 650000 теңге мөлшерінде бөлінбеген табысы бар . 15) Банктен қысқа мерзімді несие 300000 теңге мөлшерінде алынып , бірақ əлі қайтарылған жоқ . 16) 300000 теңге көлемде аяқталмаған өндіріс ( өсімдік шаруашылығы ) бар . 17) Жарғылық капитал 6570000 теңге мөлшерінде қалыптасқан . 18) Алушылардың дебиторлық қарыздары 500000 теңгені құрайды . Бұл мəліметтер бойынша біз 2003 жылдың 1 қаңтарына кəсіпорынның кіріспе балансын құрастыруымыз қажет . Бірінші операция : үйлер мен ғимараттар активтерге жатады жəне бастапқы сальдо ( Сб ) № 122 шоттың дебеті бойынша бейнеленеді . Екінші операция : үйлер мен ғимараттардың тозуы пассивтерге жатады жəне Сб № 131 шоттың кредиті бойынша бейнеленеді . Үшінші операция : машиналар мен жабдықтар активтерге жатады жəне Сб № 123 шоттың дебеті бойынша бейнеленеді . Төртінші операция : машиналар мен жабдықтардың тозуы пассивтерге жатады жəне Сб № 132 шоттың кредиті бойынша бейнеленеді . Бесінші операция : көлік құралдары активтерге жатады жəне Сб № 124 шоттың дебеті бойынша бейнеленеді . Алтыншы операция : көлік құралдардың тозуы пассивтерге жатады жəне Сб № 133 шоттың кредиті бойынша бейнеленеді . Жетінші операция : құнарлы мал ( негізгі табын ) активтерге жатады жəне Сб № 125 шоттың дебеті бойынша бейнеленеді . 96 Сегізінші операция : құнарлы малдың төлі активтерге жатады жəне Сб № 126 шоттың дебеті бойынша бейнеленеді . Тоғызыншы операция : материалдар активтерге жатады жəне Сб № 201 шоттың дебеті бойынша бейнеленеді . Оныншы операция : кассадағы қолма - қол ақша активтерге жатады жəне Сб № 451 шоттың дебеті бойынша бейнеленеді . Он бірінші операция : есеп айырысу шотындағы ақшалар активтерге жатады жəне Сб № 441 шоттың дебеті бойынша бейнеленеді . Он екінші операция : еңбек ақы бойынша есеп айырысулар пассивтерге жатады жəне Сб № 681 шоттың кредиті бойынша бейнеленеді . Он үшінші операция : жеткізушілермен есеп айырысулар пассивтерге жатады жəне Сб № 671 шоттың кредиті бойынша бейнеленеді . Он төртінші операция : алдыңғы жылдардың бөлінбеген табысы пассивтерге жатады жəне Сб № 562 шоттың кредиті бойынша бейнеленеді . Он бесінші операция : банктердің несиелері пассивтерге жатады жəне Сб № 601 шоттың кредиті бойынша бейнеленеді . Он алтыншы операция : аяқталмаған өндіріс активтерге жатады жəне Сб № 900 шоттың дебеті бойынша бейнеленеді . Он жетінші операция : жарғылық капитал пассивтерге жатады жəне Сб № 503 шоттың кредиті бойынша бейнеленеді . Он сегізінші операция : алушылардың дебиторлық қарыздары активтерге жатады жəне Сб № 301 шоттың дебеті бойынша бейнеленеді . жүктеу/скачать 1,73 Mb. Достарыңызбен бөлісу:
|