Жұмыстың өзектілігі: Елбасымыздың «Қазақстан жолы – 2050: бір
мақсат, бір мүдде, бір болашақ!» атты Қазақстан халқына жаңа
Жолдауында айқындалған Даму Стратегиясы – алдағы патриоттық рух
салтанатының көзі, жеңісіміздің кепілі! Н.Ә.Назарбаев: «Отанға деген
сүйіспеншілік - еліміздің келешегіне, оның кемел ұрпағына біздің аманат
етер ең қасиетті өсиетіміз деп білейік. Отанын Бауыржан Момышұлындай
сүюді өнеге етіп қалдарған басқа қаламгер жоқ» - деп айтқандай,
Бауыржан Момышұлының отаншылдығы патриоттық тәрбиеде баға
жетпес құнды құрал болып табылады.
Туған жерлі жақсы көру, құрметтеу, өз еліңе адал қызмет жасау,
үздіксіз білім алу, бәсекеге қабілетті болу т.б асыл қасиеттер -
патриотизмнің құрамдастығы болып табылады. «Патриотизм – Отанға,
16
елге деген махаббат!», «Адал болу – қасиет, азамат болу – міндет, патриот
болу – парыз» деген Бауыржан Момышұлының асыл сөздері бар.
Бауыржан Момышұлының өмірі тұнып тұрған – өнеге. Ол кісінің
өнегелілігі сол, ол – елі мен туған жерін нағыз сүйген, үнемі адал еңбек
еткен, сын сағатта оны жан аямай қорғаған және қол бастап, жауды жеңуге
ерен үлес қосқан батыр.
