Білім беру бағдарламасы тыңдаушыға арналған нұСҚаулық
жүктеу/скачать 1,05 Mb. Pdf көрінісі
|
3 Тыңдаушыға арналған нұсқаулық 30.07.19 2
| пікірталастық әңгіме
, балалар бір-бірімен бәсекелес, басқалардың көзқарасын мойындауды қаламайды; • кумулятивтік әңгіме , балалар сындарлы пікірге негізделеді және бір-бірінің жетістігін мойындайды; • зерттеушілік әңгіме , ұсыныстарға қарсы дау айтылып, сын тұрғысынан ойлау арқылы негіздемелі дәлелдер келтіріледі (Mercer, 2000). Педагог диалог жүргізу ережелері туралы келісімді нақтылап, мәселені талқылаудағы диалогтің үлгісін қалыптастыруы керек, балалар белгілі бір мәселені шешудің жаңа және ең тиімді тәсілдерін бірлесе айқындауда өзара әрекет етуді үйренеді. Бұл үшін балалардың ерекшеліктері мен қызығушылық аясын білу, олардың қарым- қатынастары мен сезім-эмоцияларын түсіне білу керек. Балалардың іс-әрекеттері мен сөздеріне назар аударып, талдау жасай отырып, педагогтер балалардың білім алуына тиімді қолдау көрсету мүмкіндігіне ие болады – қалыптастырушы бағалау қағидаты және «оқу үшін бағалау» түсінігі білім алып қана қоймай, білімді қалыптастыратын әдіс-тәсілдерге қатысу арқылы оқу дегенді білдіреді. Бұл идеялар оқушыларды оқыту мен оқу үдерісінің белсенді қатысушысы ретінде қарастыратын сындарлы оқыту теориясына негізделеді. Адамдардың бір-біріне икемделуі кез келген жағдайда құрмет пен сенімге негізделеді. Диалогтік оқу ұжымдық (педагог пен балалар тапсырманы орындаумен бірлесе айналысатын), бірін-бірі өзара үйретуге жағдай туғызатын (педагогтер мен балалар бір-бірін тыңдап, ой-пікірлерімен бөлісетін және балама көзқарастарды қарастыратын) және қолдау көрсетуші (балалар қате жауап бергені үшін қорықпай, өз ойларын еркін жеткізеді, өзара түсіністікке қол жеткізуде бір-біріне көмектесетін) болып табылады. Зерттеуге негізделген оқудың басты ерекшелігі – балалардың оқу іс-әрекетіне зерттеушілік, шығармашылық сипат бере отырып, олардың оқуын жандандыру және осы арқылы оқушыларды өзінің танымдық іс-әрекетін ұйымдастыруға ынталандыру. Оқыту үдерісінде балалардың ойлауын дамыту саласындағы белгілі маман Джером Брунер «дәуір жаңалығын» ашқан ғалымның ақыл-ой еңбегі мен жаңа нәрсені танып- біліп, үйренуші баланың ақыл-ой еңбегі өзінің ішкі «механикасы» жағынан бірдей деген ойды айтады. Дж. Брунердің пайымдауынша, физиканы оқитын оқушы физик болып табылады, ол үшін білімді дәстүрлі оқытуда қалыптасқандай «дайын күйінде» алудан гөрі, физик ғалым сияқты әрекет ете отырып ғылымды зерттеу тәсілі қолайлы. Зерттеуге негізделген оқудың заманауи теориясы бойынша оны жүзеге асырудың үш деңгейі көрсетіледі: педагог белгілі бір мәселені қояды және оны шешудің стратегиясы мен тактикасын белгілейді, ал мәселенің шешімнің оқушының өз бетінше табуына қалдырады; педагог белгілі бір мәселені қояды, ал оны шешу әдіс-тәсілдерін оқушы өз бетінше іздейді (бұл сатыда ұжым болып шешімін іздеуді қолдануға болады); үшінші, яғни жоғарғы деңгейде мәселені қою, оны зерттеу әдістерін іздеу және шешу жолдарын әзірлеудің барлығын оқушылар өз бетінше жүзеге асырады (Дж. Шваб, П.Брандвейн, А.Леви және т.б.). жүктеу/скачать 1,05 Mb. Достарыңызбен бөлісу:
|