Жусупова г. Е., Литвиненко ю. А., Жусупова а. И
ҚАЗАҚСТАН РЕСПУБЛИКАСЫНЫҢ МЕМЛЕКЕТТІК
жүктеу/скачать 2,25 Mb. Pdf көрінісі
|
treatise130479
| 2 ҚАЗАҚСТАН РЕСПУБЛИКАСЫНЫҢ МЕМЛЕКЕТТІК
ФАРМАКОПЕЯСЫНЫҢ ТАЛАПТАРЫНА СӘЙКЕС ДӘРІЛІК ӨСІМДІК ШИКІЗАТЫ САПАСЫНЫҢ КӨРСЕТКІШТЕРІ Дәрілік өсімдік шикізаттар негізінде ұнтақтар (шайлар), дәрілік заттар мен препараттарды алу тек бірқатар шарттар сақталған жағдайда ғана өнеркәсіптік өңдеу үшін рұқсат етілуі мүмкін: - әртүрлі генезді ауруларды емдеу үшін халық медицинасында үлкен тәжірибесі болу; - оны медицинада қолдануға, яғни фармакопеялық объектіде пайдалануға рұқсат етілген болуы керек немесе оған стандарттауды қамтамасыз ететін, қолданыстағы мерзімі бар нормативтік құжаттар өңделген, жасалған және алынған болуы тиіс; - шикізат қоры ҚР аумағында өнеркәсіптік болуы тиіс; - шикізатты дайындау экологиялық және экономикалық жағынан орынды болуы тиіс. Бұдан басқа, қайта өңдеу үшін алынған дәрілік өсімдік шикізатынан алынатын биологиялық белсенді заттардың шығуы жеткілікті болуы тиіс, ал биологиялық белсенді заттар кешенін алу шарттары оның биологиялық белсенділігі мен тиімділігіне әсер етпеуі керек. Өсімдіктердегі биологиялық белсенді заттардың құрамына қоршаған ортаның түрлі факторлары, сондай-ақ оларды өңдеу, сақтау және т. б. процестері әсер ететіні белгілі. Дәрілік өсімдік шикізаты сапасының көрсеткіштері Еуропалық Фармакопеямен үйлестірілген және Қазақстан Республикасының Мемлекеттік фармакопеясының талаптарына сәйкес. Демек, оны халықаралық стандарттарға сәйкес анықтайды. Дәрілік өсімдік шикізаты сапасының көрсеткіштері анықталған кезде мыналар бөлінеді: 2.1 дәрілік өсімдік шикізатын анықтау; 2.2 дәрілік өсімдік шикізатын сәйкестендіру; 2.3 бірқатар параметрлерді анықтауды қамтитын тазалыққа сынау: 2.3.1 бөгде қоспалар; 2.3.2 кептіру кезінде массаны жоғалту; 2.3.3 күлділік (жалпы күл, 10% Хлорлы сутек қышқылында ерімейтін күл, сульфатты күл); 2.3.4 ауыр металдар; 2.3.5 радионуклидтер; 2.3.6 пестицидтер 2.3.7 Афлотоксиндер 2.3.8 микробиологиялық тазалық; 2.4 әсер ететін заттардың сандық құрамын анықтау; 2.5 фармакологиялық әсері; 14 2.6 дәрілік өсімдік шикізатын сақтау шарттары (буып-түю, сақтау орнындағы температура және салыстырмалы ылғалдылық) және оны таңдап алынған қаптамада сақтау мерзімі, температура және салыстырмалы ылғалдылығы. Еуропалық Фармакопея талаптарына сәйкес дәрілік өсімдік шикізатының құрамында пестицидтер мен афлотоксиндердің болуын анықтайды. Пестицидтерді анықтау егілген дәрілік өсімдіктер шикізаты үшін ғана жүзеге асырылатынына назар аудару керек, себебі жабайы өсетін өсімдіктер үшін бұл көрсеткіш анықталмайды. Афлотоксиндер тропикалық жағдайларда өсетін өсімдіктер үшін анықталады, бұл көрсеткіш біздің аймақтың, яғни Қазақстанда өсетін өсімдіктері үшін анықталмайды. Алайда, төменде біз афлотоксиндерді, сондай-ақ халықаралық стандарттарды анықтау үшін ұсынылатын пестицидтерді анықтауды қарастырамыз. Төменде дәрілік өсімдік шикізаты сапасының көрсеткіштері баяндалған. жүктеу/скачать 2,25 Mb. Достарыңызбен бөлісу:
|