Өзін-өзі т ексеруге арналған сұрақтар

356 
11 тарау. 1 кВ ДЕЙІНГІ КЕРНЕУГЕ ӘУЕ ЖЕЛІЛЕРІНІҢ 
МОНТАЖЫ 
11.1.
 
Әуе желілері туралы жалпы ақпарат
Электрлік әуе желілері 
(ӘЖ) ашық ауада орналасқан және тіреу 
құрастырылымдарына бекітілген сымдар бойымен электр қуатын 
тасымалдауға және таратуға тағайындалған. Электр тасымалдаудың әуе 
желілері 1 кВ дейінгі және 1кВ жоғары (стандарттық кернеудің шкаласы 
бойынша 3, 6, 10, кВ және одан да жоғары) болатын кернеуді қамти алады.
Электр тасымалдаудың әуе желілері Ресейде кеңінен таралған және олар 
үшін тән:
құрылыс кезіндегі жер жұмыстарының шамалы көлемі;
қолданыс және жөндеу жұмыстарының қарапайымдылығы;
радиожелілер, жергілікті телефон байланысы, сыртқы жарықтандыру, 
телебасқару, дабылдама сымдарын бекіту үшін 1 кВ дейінгі кернеумен әуе 
желілерінің тіреулерін қолдану мүмкіндігі;
сым желісін құрастыру бағасымен салыстыру бойынша 1 км 
құрылыстың төменгі құны (шамамен 25...30 %).
Әуе желілері келесідей негізгі құрастырылым элементтерінен тұрады:
сымдар және найзағайдан қорғаныстық арқандарын асуға арналған 
әртүрлі тіреулер;
электр тоғын өткізуге арналған әртүрлі құрылымдар мен қималары бар 
сымдар;
найзағай разрядтарынан қорғау желілеріне арналған найзағайдан 
қорғаныстық арқандар;
тіреудің жерге тұйықталған сымдарынан оқшаулауға арналған тізбекке 
жинақталған ажыратқыштар;
ажыратқыштар мен тіреулерге сым және арқанды бекітуге арналған, 
сонымен қатар, сымдар мен арқандарды біріктіруге тағайындалған желілік 
темір арқауы;
найзағай разрядтарын немесе қысқа тұйықталу тоғын жерге бұрып 
жіберуге арналған жергей тұйықтау құрылғылары.
ӘЖ жобалау және құрастыру ЭҚЕ сәйкес іске асырылады. Тіреу және 
іргетастың құрылыс құрастырылымдарын жобалау ҚНжЕ негізінде жүзеге 
асырылады. ЭҚЕ желінің тағайындалуына қатысты әртүрлі кернеуі бар 
желілеріне талаптарды орнатады: желінің тасымалдайтын кернеуі мен 
қуаты жоғары болған сайын, оның бұзылуы соншалықты зиян келтіреді, сол 
себепті, аса жоғары кернеуі бар желілеріне қатаң шарттар қойылады.
1 кВ дейінгі кернеуі бар желілері қалалар, кенттер мен ауылдар ішінде 
үйлер және кәсіпорындарға дейін шағын қашықтықта электр қуатын тарату 
мен тасымалдауға тағайындалған.
1...35 кВ дейінгі кернеуі бар желілері аудандық шағын станцияларынан 
елді мекендер мен кәсіпорындарға 10...20 км қашықтықта электр қуатын 

357 
тарату үшін қолданылады.
110...220...330 кВ кернеуі бар желілері электр станциялары және ірі 
аудандық шағын станциялары арасында 100-ден 600 км дейінгі қашықтықта 
ірі қалаларды немесе экономикалық аудандарды қуатпен жабдықтау үшін 
ауқымды қуатты тасымалдауға тағайындалған. 
500 кВ кернеуі бар желілері 1 млн кВт дейінгі қуатты тасымалдау үшін 
қолданылады және 1200 км дейінгі қашықтықта орналасқан әртүрлі 
энергетикалық жүйелерді байланыстыру үшін қызмет атқарады.
750 кВ кернеуі бар желілері 2...2,5 млн кВт қуатын 2000...2200 км 
қашықтығына таратады.
Желілердің құрастырылымдық орындалуын анықтайтын негізгі 
факторлар желдің, температураның, жаңбырдың, тайғақтың, найзағайдың 
және олардың мүмкін болатын үйлесулерінің әсер етуі болып келеді.
ЭҚЕ әртүрлі кернеулеріне желілер үшін әртүрлі есептеуіш климаттық 
шарттары қарастырылған, яғни, сыртқы атмосфералық қуаттың үйлесуі 
(мысалы, жел және тайғақтың үйлесуі).
Желдің есептеу жылдамдығы келесі көрсеткіштерден кем емес шамада 
қабылданады: 16 м/с – 1 кВ дейнгі кернеуі бар желілері үшін, 21 м/с – 1 кВ 
бастап 35 кВ дейінгі аралықта; 25 м/с – 110...330 кВ, 30 м/с – 400 кВ және 
одан да жоғары.
Тайғанақ қабатының есептеу қалыңдығы 330 кВ дейінгі кернеуі бар 
барлық желілері үшін 0,5 см кем емес және 400 кВ және одан да жоғары 
кернеуі бар желілері үшін 1,0 см кем емес шамада қабылданады.
Желі құрастырылып отырған ауданда ауа температурасын, желдің 
жылдамдығын, тайғанақтың қарқындылығы мен салыстырмалы салмағын 
ұзақ мерзім ішінде алынған бақылау нәтижелерінің деректеріне сүйене 
отырып, көрсетілген шамалардың басқа жоғары мәндері есептеу үшін 
қолданылуы мүмкін.
Ресейдің барлық аймағы тайғанақ деңгейі бойынша бес ауданға (I.IV 
және ерекше) және желдің күші (I .VII) бойынша жеті ауданға бөлінеді.
Салынып отырған желі үшін есептеу климаттық шарттарын анықтау, 
әдеттегідей, ЭҚЕ және ҚНЖЕ орналастырылған климаттық аудандастыру 
карталарына сай іске асырылады.
Желілердің қалыпты және апаттық жұмыс тәртіптерін ажыратады. 
Қалыпты тәртіп бұзылмаған арқан мен сымдар кезіндегі жұмыс болып 
саналады. Апаттық тәртіп сым немесе арқанның толықтай не бөлшектеп 
зақымдалу кезіндегі желілердің жұмысын анықтайды. Жұмыс тәртібінің 
әрқайсысы үшін желілердің құрастырылымдық элементтеріне сәйкес 
талаптар қарастырылған. Сонымен қатар, ЭҚЕ талаптары желі өтетін елді 
мекеннің түрімен және халықтың орналасу тығыздығымен шартталады.

жүктеу/скачать 9,83 Mb.

Достарыңызбен бөлісу: