Қобыландының Көбіктіні жеңуі

42 
Қабағы тастай түйіліп, 
Арыстан туған Қобыланды 
Күн шығуға қарамай 
Ат қоюға ойланды. 
Ата-анасы, ел-жұрты, 
Асыра қыпшақ баласы 
Жатқаннан соң байлауда, 
Қақпаның келіп аузына 
Батыр Қобылан ақырды, 
«Алшағыр!» - деп шақырды. 
«Ау, Алшағыр, Алшағыр! 
Сөзіме құлақ сал, Шағыр! 
Менің атым - Қобыланды, 
Әуелі өзің алмай шық, 
Арманда қапы қалмай шық! 
Қара қасқа атың міне шық, 
Оқ өтпес тоның кие шық, 
Қарыңа сүңгі іле шық». 
Хан болғалы Алшағыр 
Асып жүрген айласы 
Мұсылманнан қанша ердің 
Басын жойған ер еді, 
Қобыландының дауысы 
Құлағына келеді… 
Шыдай алмай Алшағыр 
Алтын тұрман ер салып, 
Енді атына мінеді. 
…Сол уақыттар болғанда 
Қобылекең келді бұл жақтан 
Тайбурыл атты ойнатып. 
Бермейміз деп намысты, 
Екі батыр екпінмен 
Жақындасып қалысты. 
Өшігіп жүрген батырлар 
Бір ауыз сөзге келмей-ақ, 
Еменнен найза салысты, 
Біріне-бірі ұмтылып, 
Он саусағы қарысты. 
Қанжарменен қармасты, 
Семсерменен серместі. 
От шығады ұртынан, 
Үмітін үзді Алшағыр 
Шаһары, байтақ жұртынан. 
Қобыландыдай батырың 
Найзасын ырғап ендірді. 

43 
Алшағырдай дұшпанын 
Ат сауырына міндірді… 
…Тоқтар басы көп қыпшақ 
Келіп қонды баяғы 
Алшағыр шауып зарлатып, 
Бөлініп көшкен жеріне… 
Артық туған Қобыланның 
Ісі келді жөніне, 
Келмеді дүшпан шеніне, 
Қалмақтан алған көп олжа 
Әділдікпен батырың 
Жиып алып көп халқын, 
Бөліп берді еліне, 
Риза болды бәрі де 
Қобыланды сынды еріне… 

жүктеу/скачать 0,99 Mb.

Достарыңызбен бөлісу: