Түрікпен ЗАЙСАННАН Алаш автономиясын алады деген хабарды естіп, Зайсан қазақтары қатты қуаныш қылды
һәм Алашордаға қазына жинауға қам қылып, елте кісі шығарылды деп үйезный комитеті
телеграм берді.
ҚАРҚАРАЛЫДАН Қарқаралының үйезный қазақ комитеті Семейдегі советтің азық-түлік бөліміне телеграм
беріп отыр: Қарқаралының советі қазақтың малының есебін алуға һәм сол есеппен (налог)
салық салуға елге комиссар шығарды. Ел ішінде өте үлкен бүлік болатын деген.
Қарқаралыдан (4 апрель) мұндағы Ақбаевқа мынадай телеграм келді: «Қарқаралыдағы
совет хүкіметі союздың адамдарымен қосылып, көңіліне жарамаған адамдарды абақтыға
жауып отыр. Жүсіпбек Шандай баласын жапты. Тағы кімді жабары белгісіз. Қазақ
комитетіне сенбейді. Сотты тоқтатты. Ел ішіне комиссар сайлады» деп.
