Мектепке дейінгі мекемеде сюжеттік-рөлдік ойынды ұйымдастыру принциптері: 1. Тәрбиеші балалармен бірге ойнауы керек. Мұда ол ойынды
қызықты ойнай алатын эмоционалдық серіктес позициясын ұстанады,
бала онымен өзін тең ұстайды, өзін бағалаудан тыс санайды, ынталылық
көрсетеді.
2. Тәрбиеші балалармен мектеп жасына дейінгі балалық шақтың
бәрінде ойнауы керек, бірақ әр кезеңде жаңа нәрсені меңгеріп, ойынды
құрудың неғұрлым күрделі тәсілдерін меңгеруі тиіс.
3. Ерте жастан бастап және ары қарай мектепке дейінгі жастың
әрбір кезеңінде ойын білігін қалыптастыруда бір мезгілде баланы ойын
амалдарын орындауға да, оны серіктестеріне де – үлкендерге немесе
құрбылырына оның мағынасын түсінуге бағдарлау қажет.
4. Әрбір жас кезеңінде ойынды ұйымдастырудың педагогикалық
процесі екіжақты сипат алуы керек, оған тәрбиешінің балалармен бірге
ойнағандағы ойын білігін қалыптастыру сәттері және балалардың өз
беттерімен ойнауына жағдай жасау кіреді.
Мектеп жасына дейінгі балаларды әртүрлі жас кезеңдерінде
сюжеттік-рөлдік ойындарды дамытуға қысқаша негізгі әдістемелік
ұсыныстар берейік.
