Байланысты: Қазақ тілі және әдебиеті, орыс тілі және әдебиеті, көркем еңбек. Кіріктірілген пәндерді оқыту бойынша әдістемелік құрал
«ҚАЗАҚ ТІЛІ ЖӘНЕ ӘДЕБИЕТІ (Т2)» «ОРЫС ТІЛІ ЖӘНЕ ӘДЕБИЕТІ (Я2)», «КӨРКЕМ ЕҢБЕК» КІРІКТІРІЛГЕН ПӘНДЕРДІ ОҚЫТУ БОЙЫНША ӘДІСТЕМЕЛІК ҚҰРАЛ 113 ІІ. Өткен сабаққа шолу жасап, техника қауіпсіздігі ережесін еске түсіру.
Еңбек сабағына арналған ұшы доғал қайшыны пайдалан.
Қайшыны тек өз жұмыс орныңда ғана пайдалан.
Қайшының ұшын жоғары қаратып ұстама.
Қайшыны ашық күйінде қалдырма.
Екінші адамға қайшыны жабық түрінде сабы жағымен ұсын.
Қайшымен қию кезінде жүрме, ешкімге жақындама.
Қайшының алмасына зер салып қи.
Жұмыс соңында қайшыны қабына салып қой.
Желімнің қақпағын абайлап аш.
Қағазға ұқыпты, керегінше жақ.
Артығын сүрткішпен алып таста.
Қолыңды сүрткішпен сүрт.
Жұмыс соңында қақпағын жауып, орнына қой.
Қылқаламды қажетті уақытта ғана ұста.
Қылқаламды ешкімге нұсқама.
ІІІ. Жаңа сабақты түсіндіру
«Ою-өрнек» сөзі – латынның «орнамент» деген сөзінің баламасы.
«Орнамент» сөзі – «сәндеу» немесе «әсемдеу» деген ұғымды білдіреді. «Ою»
сөзі, біріншіден, ағаш немесе темір материалдарын ойып, затты көркемдеу
дегенді білдірсе, екіншіден, материалды ою немесе ою үлгісін дайындау деген
ұғымды білдіреді. Ал «өрнек» сөзі – бірнеше көркемдеп сызылған сызықтар
жиынтығынан құралған әсемдік сызба. Ою-өрнек – бұл сызба. Халық ерте
заманнан ою-өрнекті дамытып келеді. Ою-рнек түрлері көп. Ол – көркем
қолөнердің бір саласы. Халық шеберлері ою-өрнекті өсімдік, құс, жануарлар,
ғарыштық денелер бейнесіне ұқсатып құрастыра білген. Ою-өрнекті тұрмыстық
мүліктер мен бұйымдарды безендіруге қолданған.
Ою-өрнек түрлері
ІV. Практикалық жұмыс.
Сурет дәптеріне қошқармүйіз өрнегін салып және оны қағаздан қию,
жапсыру жұмыстарын ұйымдастыру.
«Қошқармүйіз» оюын қию
