Тыныс алу қызметін оңалту шараларын бастауға қарсы көрсеткіштер : дене қызуының 38
°C
және ол көрсеткіштен жоғары болуы,
диагноз қойылғаннан кейінгі алғашқы 7 күн ішінде, ентігу басталған алғашқы 3
күнде, өкпе тінінің 50% немесе одан көп бөлігінің зақымдануы, сатурация
мөолшері 95% -дан аз болуы, қан қысымының жоғары болуы.
Тыныс алу жаттығулары мен жалпы жаттығулар жасағанда науқастың
жағдайын үнемі бақылау қажет. Егер науқаста ауа жетіспеушілігі, бас айналу
немесе басқа да ыңғайсыздық белгілері байқалса жаттығу тоқтатылады.
Тыныс алуды қалпына келтірудің негізгі шаралары ауа жолдарын
тазарту, тыныс алуды бақылау, науқастың жаттығу жасаудағы қалпын анықтау
және жаттығулардың түрін таңдаудан тұрады. Қақырықты шығару үшін
ингаляция жасау ұсынылады, бірақ вирустың таралуын болдырмас үшін оны
сақтық шараларын сақтай отырып, абайлап жасаған дұрыс. Тыныс алу
жаттығулары кезінде ентігу пайда болуының алдын алу үшін отыру немесе
жартылай жату сияқты науқасқа ыңғайлы қалып таңдалады. Жаттығу кезінде
кеуде қуысы толық жазылғанша ауызбен дем алып, мұрын арқылы дем
шығарған дұрыс. Жаттығу кезінде міндетті түрде үзіліс жасап отыру қажет.
Жаттығу ұзақтығы 15-тен 45 минутқа дейін. Егер науқас шаршаса, жаттығуды
тоқтатады. Тромбоздың дамуына жол бермеу үшін науқасқа жүру ұсынылады.
