Психологиялық көмек психологиялық дисфункция түрін анықтаудан басталады. Қажет жағдайда психологпен, психотерапевтпен
кеңесуге болады.
Стационарлық кезеңдегі орташа ауырлықтағы науқастарды оңалту (тек палаталарда) Адамның ауруханада (палатада) емделгенде жағдайдың ауырлығына
байланысты (дене қызуы жоғары болуы, әлсіздік, бұлшықет ауруы және
науқасты отыруға немесе жатуға мәжбүр ететін басқа да қолайсыздықтар)
гиподинамия болады. Сондықтан ұзақ төсектік тәртіптен бұлшықет қызметінің
бұзылуы туындайды. Соның салдарынан бұлшықет күшінің төмендеуі,
қақырық шығуының қиындауы, терең тамырлар тромбозы дамуының қаупі
жоғарылайды.
Қытайлық дәрігерлердің клиникалық бақылаулары көрсеткендей,
пациенттердің 3-5% -ында клиникалық көрініс басталғаннан бастап 7-14 күн
ішінде жағдай күрделене түседі. Сондықтан науқастардың физикалық
жағдайын сақтау үшін олар дене шынықтырумен айналысудың аздаған
қарқындылығын сақтауды ұсынады. Оңалту кезінде науқастың тыныс алу
жиілігі мен қанның оттегімен қанығу деңгейі ескеріледі.
