Паспорт учебного кабинета

Солтүстік Қазақстан облысы әкімдігінің

«Әбу Досмұхамбетов атындағы облыстық дарынды балаларға мамаңдандырылған гимназия-интернаты» коммуналдық

мемлекеттік мекемесі

атауы / наименование

2015-2016 оқу жылы
Оқу кабинеті туралы ереже
Кіріспе

Мектептердегі оқу кабинеттірі тәрбиелеу мен оқыту әдістерін жетілдіруге шексіз мүмкіндіктер береді, мұғалім жұмысының мәдениетін, оның біліктілігін, оқушылардың білім сапасын көтеруге жағдай жасайды, балалардың өз бетінше жұмыс істеу дағдыларын қалыптастырады және оқыту және тәрбиелеу үдерісін жоғарғы ғылыми-әдістемелік деңгейде ұйымдастыру үшін қызмет етеді.

Пән кабинеттеріндегі сабақтар техникалық жабдықтарды, оқыту құралдары мен оқу материалдарын кешенді қолдану арқылы іске асады. Берілген сабақтар оқушыларды практикалық тәжірибе жұмыстарына бағдарлау, оқушыларды ерте бастан кәсіби дайындауға қызмет етеді.
1. Жалпы ережелер

1.1. Берілген ереже ҚР «Білім туралы» Заңына, ҚР Денсаулық сақтау министрінің «Жалпы білім беретін мектептер мен интернаттардың құрамы, оқыту жағдайы мен мазмұнына қойылатын санитарлық-эпидемиологиялық талаптар» санитарлық ережелер мен нормалары туралы бұйрығына сәйкес оқу кабинетінің жұмысын реттейді.

1.2. Оқу кабинеті пән бойынша терең білім алуға, оқушылардың тұлғасын қалыптастыруға, оқу-тәрбие үдерісіне ақпараттық қызмет көрсетудің тиімділігін арттыруға жағдай жасайды.

1.3. Оқу кабинеті гигиеналық, оқу-зерттеу, эстетикалық талаптарға және оқу үдерісінің техникалық-қауіпсіздік ережелеріне сәйкес келуі тиіс.

1.4. кабинет қызметін ұйымдастыру кабинет меңгерушісіне жүктеледі. Ол директордың бұйрығымен тағайындалады және қызметінен босатылады:

• 
  кабинет меңгерушісі кабинеттегі жұмысты басқарады, жұмыс тәртібін, сабақ кестесін, консултацияларды, қосымша сабақтарды және т.б. анықтайды, құжаттама жүргізеді;
  
• 
  оқу жылына жұмыс жоспарын құрайды, оның орындалуына бақылау жүргізеді;
  
• 
  кабинетте жұмыс жасайтын мұғалімдер арасында міндеттерді бөледі;
  
• 
  кабинетті безендіретін мұғалімдер және оқушылар кеңесін басқарады;
  
• 
  кабинеттегі құрылғылардың жұмыс жасалуына, сақталуына, өрт қауіпсіздігі және техника қауіпсіздігі бойынша нұсқама өткізуге жауапты;
  

Мақсаты: пән бойынша оқу-тәрбие үдерісінде оқу-әдістемелік, техникалық құралдарды кешенді және үйлесімді пайдалануды қамтамасыз ету, оқытудың тиімділігін арттыру.

Міндеттері:

• 
  пән бойынша оқу тәрбие үдерісінің жоғары нәтижелігін қамтамасыз ету мақсатында қажетті материалдық –техникалық база құру және оны дамыту;
  
• 
  кабинетте пән бойынша әдістемелік әдебиет банкін құру;
  
• 
  тақырыптар бойынша дидактикалық материалдар және сыныптар бойынша оқу-әдістемелік кешендер қорымен қамтамасыз ету;
  
• 
  оқу-әдістемелік құралдарды және оқу жабдықтарын жүйелеу;
  
• 
  оқушылардың пәнге қызығушылығын арттыру, кәсіби бағдарлау.
  

3.1. мұғалімнің шығармашылық лабораториясының даму жоспары (осы оқу жылына және келешекке оқу кабинетін оқу-әдістемелік және дидактикалық материалдармен қамтамасыз ету).

3.2. Кабинеттегі жабдықтар, приборлар, техникалық құралдар, көрнекі құралдар, оқулықтар, әдістемелік ұүралдар, дидактикалық материалдардың және т.б. қызметі көрсетілген инвентарлық кітап немесе паспорт (қосымша А).

3.3. Оқу кабинетін безендіруге қойылатын санитарлық-гигиеналық және эстетикалық талаптардың сақталуы.

1.1. нормативтік құжаттар папкасының болуы (әдістемелік ұсыныстар, білімдік стандарттар, күнтізбелік-тақырыптық жоспар);

1.2. жалпы білім беретін мектептердегі оқу жоспарлары мен бағдарламаларына сәйкес пәндер бойынша қажетті оқу-көрнекі құралдар және оқу жабдықтарының болуы, олардың типтік тізімі (қосымша В);

1.3. дидактикалық материалдар кешенінің: сабақ жоспарлары, таратылған және дидактикалық материалдар, тексеру материалдары (тестілер, бақылау жұмыстары, карточкалар және т.б.), емтихан материалдары (оның ішінде ҰБТ бойынша), олимпиада даярлау материалдары, сыныптан тыс шаралар жоспарлары және басқалар, оқыту және білім беру үдерісі (кабинет бағдары бойынша) сапасын диагностикалық материалдары папкасының болуы;

1.4. оқу, ғылыми және танымдық әдебиеттердің болуы;

1.5. көрнекі құралдардың (кестелер, плакаттар, муляждар, ғалымдардың портреттері) болуы;

1.6. психология-педогогика мәселелері бойынша әдебиеттердіің болуы.
5. Стендтердің болуы

Оқу кабинетінің санитарлық-гигиеналық, эстетикалық талаптарын (стенділер дизайны, бөлме өсімдіктерінің колекциясы, сынып бөлмесінің бояулық гаммасы) сақтай отырып безендірілген стенд материалдары қамтиды:

• 
  Тұрақты және ауыспалы оқу-ақпараттық стенділер (оқушылардың білім стандарты талаптарын дұрыс орындау үлгілері, жиі кездесетін қателіктерге талдау олимпиада байқау тапсырмалары мен нәтижелері, оқушыларға арналған шығармашылық тапсырмалар және басқалар);
  
• 
  Оқу-танымдық стенділер (үй тапсырмаларын ұйымдастыру және орындау, әр түрлі формдағы оқу танымдық шараларды: практикумдер, семинарлар, лабораториялық жұмыстар, тестілеу, сынақтар, емтихандар және басқалар даярлау бойынша ұсыныстар);
  
• 
  Ақпараттық стенділер (техникалық қауіпсіздік ережесі, оқу кабинетіндегі сабақ кестесі: міндетті бағдарлама, факультатив және үйірме сабақтары, үлгермеушілермен және дарынды балалармен жеке сабақтар, кеңестер, т.б. бойынша).
  

Қабырға мен парта беттерінің бояуы кабинеттің географиялық орналасуына байланысты болады. Кабинетті әрлеу үшін Қазақстан Республикасында қолдануға рұқсат етілген, сапасы мен қолдану аумағы сертификатпен расталған материалдар мен бояулар қолданылуы тиіс.

Оқу кабинеттері, зертханалар белгіленген өлшемдегі жұмыс үстелдерімен және орындықтармен жабдықталады. Парталар, үстелдер, шкафтардың түсі табиғи ағаш түстес немесе ашық жасыл болуы тиіс. Отырғыштарды, табуреттерді және арқалығы жоқ орындықтарды пайдалануға жол берілмейді.

Сынып тақталарының өлшемі мен конфигурациясы әртүрлі болуы мүмкін: жылжымалы, ашылатын,биіктігі бойынша өзгеретін. Сынып тақталары бор үгіндісін жинауға, шүберекті немесе жұмсақ шүберекті қоюға арналған жері бар күнгірт немесе күнгірт қоңыр түсті болып көзделеді.

Күндізгі жарықты мол мөлшерде пайдалану және оқу үй -жайларын біркелкі жарықтандыру үшін, ағаштарды ғимараттан 15 метрден жақын орналастыруға, ал бұталарды 5 метрден жақын отырғызуға болмайды.

Терезе әйнектерін бояуға және терезелердің алдына табиғи жарықтандыруды азайтатын үлкен жапырақты гүлдерді орналастыруға жол берілмейді. Оларды терезе аралығындағы аспалы кашпо немесе еденнен 65-70 сантиметрдей биіктікте орналасқан тасымалдаушы гүлсалғышқа орналастыру екі реттен кемөткізілмеуі керек. Терезелердің әйнегін жылына 3-4 рет және ішін айына бір рет жуады және тазалайды.

Оқу бөлмесінің қызметіне байланысты (бір орынды және екі орынды), аудиториялық, чертеждік немесеғ лабораториялық үстелдер қолданылуы мүмкін. Үстелдерді сол жақтан жарықтандырылатын жарық түсіретін қабырғаға қарай орналастырады. Оқу.а арналған жиһазды орналастыру кезінде мына талаптар орнатылады:

1. 
   1-ші қатардағы үстелдердің жарық түсіретін қабырғадан қашықтығы 1 м, бқабырғадан қашықтығы 1 м, брінші үстелдерден тақтаға дейінгі қашықтық 2,4-2,7 м болады;
   
2. 
   Алдыңғы үстелдер мен демонстрациялық үстел арасы кемінде 60 см.
   
3. 
   Бірінші партадан оқу партасына дейін кемінде 250 см;
   
4. 
   Үстелдер қатарлары мен сыртқы қабырға аралығы – 50 см кем емес;
   
5. 
   Қатардағы үстелдер арасы кемінде 50 см кем емес;
   
6. 
   Сынып тақтасынан оқушының отыратын соңғы орнына дейінгі қашықтық 860 см;
   
7. 
   Барлық сыныптар үшін сынып тақтасының төменгі жиегінің еденнен биіктігі (жұмыс жағдайында) 80-90 см;
   
8. 
   Оқу шеберханаларындағы станоктар (верстактар) арасы 130 см, тірек-қозғалыс аппараты бұзылған балалар үшін 170 см; қатарлардағы станоктар (верстактар) арасы 80 см, станоктардан қабырғаларға дейін 50 см;
   
9. 
   Тігін шеберханаларындағы аяқпен басатын машиналарды терезелердің бойымен бір қатарға орналастырады, бұл ретте машинаның табанына жарық сол жақтан түсуі тиіс.
   

Тақтаны көру бұрышы (ұзындығы 3 м тақтаның шетінен алдыңғы үстелдегі оқушының шеткі орнының ортасына дейінгі) мектептің II-III саты оқушылары үшін 35 градустан кем емес және 6-7 жасар оқушылар үшін 45 градустан кем емес болуы тиіс.

Кабинеттегі жұмыс орындарын орналастыру оқушылардың еркін қозғалуын және педагогтың сабақ кезінде әрбір оқушының жанына еркін баруды қамтамасыз етуі тиіс, керекті жабдықтарын ( оқу құралы, дәптерлер, жазу және лабараториялық құралдар) қою үшін оқушының үстелі кең болуы керек.Оқушыларды отырғызу реті:

• 
  Әрбір оқушы парта немесе үстелді пайдаланғанда бойына, көруіне және естуіне сәйкес ыңғайлы жұмыс орнымен қамтамасыз етілуі тиіс;
  
• 
  Көру мен есту органдарының ақауы бар балалар үшін парталар нөміріне қарамастан, бірінші қатарға қойылады;
  
• 
  Көру қабілеті төмен оқушылардың партасы терезе жақтан бірінші қатарда орналасуы керек;
  
• 
  Тыныс алужолдары мен тамақ бездерінің қабынып және суықтан жиі ауыратын балаларды сыртқы қабырғадан алыс отырғызу қажет.
  

Оқу кабинетінде үстелдер мен орындықтардың 3 тобын орналастырады:

В тобы – 145-160 см бойы бар оқушылар үшін;

Г тобы – 160-175 см бойы бар оқушылар үшін;

Д тобы – 175 см және одан биік оқушылар үшін.

Әр топта үстел және орындықтардың да өзіндік ерекшеліктері бар:

Үстелдер: В тобы – 64 см; Г тобы – 70 см; Д тобы – 76 см;

Орындықтар: В тобы – 38 см; Г тобы – 42 см; Д тобы – 46 см;

Оқу кабинеттеріндегі терезелердің бағдары көкжиектің оңтүстік, оңтүстік-шығыс және шығыс жақтарында болуы керек. Сурет, сызу сабақтары ккабинеттерінің терезелері солтүстік бағытқа, ал есептеуіш техника сабағының кабинетінің терезесі – оңтүстік немесе оңтүстік-шығыс бағытқа бағытталуы мүмкін. Күннен қорғаныш құралдары ретінде жалюздер, күнқағарлар, жарық өткізетін және жарық сейілдіретін қасиеті бар мақта-матадан жасалған перделер ұсынылады. Поливинилхлоридті үлдірден жасалған перделерді қолдануға тыйым салынады.

Люминесценттік шамдарды сыртқы қабырғадан 1,2 м және ішкі қабырғадан 1,5 м қашықтықта жарық түсіретін қабырғаға параллель орналастырады. Сынып тақтасы оған параллель орнатылған екі шаммен жарықтандырылады, олар тақтаның жоғарғы шетінен 0,3 м жоғары және алдыңғы жағынан 0,6 м аралықта орналасады.

Кабинеттер мен зертханалардағы жұмыс үстелдерінде – 300 люкс, сыныптың тақтасы мен сызу кабинеттерінде – 500 люкс, компьютерлік сыныптарда – 300-500 люкс, акт және спорт залдарында (еденнің үстінде) – 200 люкс, тыныш жайларда (еденнің үстінде) – 150 люкс болуы керек.

Істен шыққан шамдар уақытылы ауыстырылады. Жұмыс істемейтін, істен шыққан люминесценттік шамдарды балалар мен оқушылар кірмейтін жеке үй-жайда сақтайды. Пайдаланылған люминесценттік шамдарды қоқыс жинайтын контейнерлерге тастауға тыйым салынады. Оларды сақтау және шығару мекеме басшысының бұйрығымен жауапты адамға жүктеледі. Пайдаланылған шамдарды жою және кәдеге жаратуды осындай қызмет түріне арналған лицензиясы бар ұйымдар жүргізеді.

Микроклиматты сақтау үшін бөлмені мезгіл-мезгіл желдетіп отыру қажет (қыста 2 реттен жиі емес, күз бен көктемде – 4 реттен жиі емес) және уақытылы ылғалды тазарту жүргізу қажет. Сабақ алдында және соңында оқу бөлмелерінің есік, терезесін ашып, қарама-қарсы желдету қажет.

Жылыту кезеңінде ауаның температурасы мынадай болып көзделеді:

1) оқу кабинеттерінде, лабораторияда, кітапханаларда, акт залында, компьютерлік сыныптарда – 18-22⁰С болуы керек;

2) оқу шеберханаларында, спорт зал мен секциялық сабақтарды жүргізуге арналған бөлмелерде, вестибюльде және гардеробта – 15-17⁰С болуы керек;

3) спорт залдың шешінетін бөлмесінде – 19-23⁰С болуы керек;

4) дәрігерлердің кабинеттерінде – 21-23⁰С болуы керек.

Қолайлы жұмыс жасау, ауаны тазарту үшін сынып бөлмесінде жасыл өсімдіктер болуы керек (мүмкіндігінше гүлдейтін, оқушылардың көңілін көтеріп, жұмыс қабілеттерін арттырған).

Қазақ тілі, орыс тілі және шетел тілі кабинеттерінде басқаратын пульты бар мұғалімнің үстелі және жобалаушы құрылғыларға арналған тумба: магнитофон және күйтабақты ойнатқыштың астына қоятын тұғырық; көрнекі құралдар мен техникалық оқу құралдарын сақтайтын секциялы шкафтар, лингофонды-рецевтивті қондырғылар болуы тиіс.

Физика мен химия кабинеттерін көтеріңкі жерде орналасқан демонстрациялық үстелдермен, белгілі өлшемдегі екі орынды оқушыларға арналған зертханалық үстелдермен жабдықтайды.

Химия кабинетін оқытушы үстелінің жанындағы сыртқы қабырғаның бойында орнататын сыртқа тарату шкафымен жабдықтайды.

Физика, химия, биология, информатика және есептеуіш техника кабинеттерінде аралас үй-жайларда 1 үй-жайға кемінде ауданы 18 м² болатын зертхана көзделеді.

Тәжірибелер жүргізу үшін пайдаланатын химиялық реагенттерді, қышқылдар мен сілтелерді жауапты адамның бақылауы арқылы таңбалайды, арнайы бөлінген сейфте сақтайды.

Музыка кабинетінде мүмкіндігінше биіктігі 12-15 см амфитеатр жасау керек. Музыкалық сабақтар жүргізу үшін ауданы кемінде 12 м² фортепьянода және басқа да аспаптармен жеке сабақтарға арналған; ауданы кемінде 36 м² музыкалық-теориялық сабақтарға арналған (15 оқушыға дейін) топтық; ауданы 1 адамға кемінде 2 м², биіктігі 4,0 м төмен емес хор және оркестр сабақтарына арналған үй-жайлармен жабдықталады.

Музыкалық бөлімшенің жанында ауданы кемінде 10 м² музыкалық аспаптарды сақтауға арналған үй-жай болуы тиіс. Музыкалық аспаптармен жүргізілетін сабақтарға арналған үй-жайлардың әрленуі дыбыс оқшаулау іс-шараларын көздеуі тиіс.

Хореография сабақтары үшін бір оқушыға ауданы 3-4 м² есебімен ырғақтық және би сабақтарына арналған зал жабдықталады. Теориялық сабақтарды ұйымдастыру кезінде қосымша білім беру мекемелерінде ауданы бір адамға кемінде 2,5 м² есебімен үй-жай бөлінеді.

Бөлмені қараңғылауды да қарастыру қажетті, бұл – жұмсақ орындықтармен үйлесетіндей күңгірт борзғылт және шие түстес ауыр масаты портьерлер бола алады.

Хореографиямен айналысуға арналған залдағы балеттік көлденең ағаштарды еденнен 0,9-1,1 м биіктікте және қабырғадан 0,3 м қашықтықта орналастырады. Залдың бір қабырғасын биіктігі 2,1 м болатын айнамен жабдықталады. Залдың едені тақтайдан немесе арнайы линолеум төсемімен көзделеді.

Ағаш өңдеу жөндеу жөніндегі шеберханалардан және металл мен ағаш өңдеу жөніндегі аралас шеберханалардан тұратын мекемелердің ғимараттарында сыртқа қарай немесе басқа мақсаттағы кабинеттердің шығу есігі жоқ шеберханаларға іргелес дәліз арқылы қосымша шығу есігі көзделуі қажет.

Майлы көркем сурет шеберханалары үшін 1 оқушыға ауданы кемінде 4,8 м² үй-жай, 1 оқушыға ауданы кемінде 4,0 м² акварельді көркем сурет және суретке арналған шеберханалар, 1 оқушыға кемінде 3,6 м² мүсін жасау шеберханалары; 1 оқушыға кемінде 4,5 м² қолданбалы өнер және композиция шеберханалары бөлінеді. Қолданбалы өнер және композиция шеберханаларының жанында ауданы кемінде 9 м² болуы тиіс, мүсін жасау шеберханасының жанында – саз және гипсты сақтауға арналған екі қойма болуға тиіс. Дәнекерлеу жүргізілетін үстелдер мен шебердің үстелдері металлмен қапталады.

Станоктар мен механизмдердегі жұмыстары көп мөлшерде жылу және шаңның бөлінуімен байланысты болатын мектептің оқу өндірістік шеберханалары механикаландырылған сорып шығару желдеткішімен жабдықталуы керек. Ауа алмасуының жиілігі бір балаға сағатына 20 куб метрден кем болмауы керек. Станоктар мен механизмдер санитарлық нормалардың талаптарына сай және олардың тиісті қорғаныс құралдары болуы керек. Көркемөнер шығармашылығымен айналысуға арналған шеберханалар ыстық және суық су келтірілген қолжуғышпен жабдықталады, сурет салу және жабыстыру шеберханаларын екі қолжуғышпен, оның біреуін раковинамен және кең үстелмен жабдықтау қажет.

Жануарлармен, өсімдіктермен жұмыс істеуге арналған үй-жайлар ыстық және суық су келтірілген қолжуғышпен жабдықталуы тиіс.

Спорт залының ауданы бір спортпен айналысушыға кемінде 4 м² болуы тиіс. Еден ағаштан болуы немесе арнайы жабыны болуы, еденнің беті тегіс, ойықсыз және зиянсыз болуы тиіс. Зал қабырғаларының шығыңқы жерлері, ернеуі болмауы тиіс. Батареялар терезе астындағы қуыстарда орналастырылады және торлармен жабылады немесе еденнен 2,4 м биіктікте орнатылады. Терезелерінде және жарықтандыру құралдарында қоршау құрылғылар көзделуі тиіс.

Спорт зал бірінші қабатта орналасып, спорт залының алаңы және оның үй-жайлар жиынтығы құрылыс нормалары және ережелеріне сәйкес келуге тиіс, дене шынықтыру сабақтары өтетін орындарда ер балалар мен қыз балаларға бөлек қарастырылған шешіну бөлмелері мен душ кабиналары болуы тиіс.

Күреске арналған залда жарақаттануды болдырмау үшін кемінде 2 м қабырғадан ашық жері бар орналастырылатын жұмсақ кілем болуы тиіс. Қабырғаның осындай ашық жерін ұйымдастыру мүмкін болмаған кезде 1,5 м биіктікте қапталған төсеніш болуы тиіс. Кілемнің үстіне беті керілген және төзімді және жұмсақ материалдан жасалған жапқышы бекітілген жапқышпен жабылуы керек.

Спорттық төсеніштерді, жаттығуға арналған қаптарды жазықтық бойынша бірдей толтырады, тазалауға және дезинфекциялауға ыңғайлы материалдардан жасайды. Былғары төсеніштерден басқа төсеніштерде матадан тігілген алмалы-салмалы тысы болуы тиіс.

Спорт залдарының жанындағы киім ауыстыратын орындар киімге арналған шкафтармен немесе ілгіштермен жабдықталады.

Бөлмелерде майлы бояумен боялған ағаш немесе жылы негізде линолеум төселген еден көзделеді. Еңбекке баулу шеберханаларындағы еден ағаш болуы; химия кабинеттері мен зертханалық кабинеттерде химиялық реагенттерге төзімді материалдан болуы тиіс.

Еденнің бетіне линолеум төсеген кезде негізге тығыз жапсырылуы, ойығы, сызаты, саңылауы болмауы тиіс. Линолеумнің бір-біріне жанасатын жерлерінің арасы мұқият дәнекерленеді. Қабырғаның тұсындағы линолеумнің жиектері қабырға мен еденнің арасын біріктіретін еден кемерінің астына келтірілді. Вестибюльдердегі, реакциялардағы, баспалдақ аралықтарының едендері механикалық әсерге төзімді материалдан жасалады. Қолжуғыш бөлмесі және дәретхананың едендеріне қыштан жасалған немесе мозаикалық әрленген плиткалар төселуі керек. Едендердің төселімі ретінде цемент, жылтырланған мәрмәр және тайғақ материалдарды пайдалануға жол берілмейді.
7. Қауіпсіздік сақтау техникасы

7.1. Қауіпсіздікті сақтаудың жалпы талаптары

Кабинеттерде жұмыс жасау үшін Еңбекті қорғау нұсқаулығымен танысқан, медициналық тексеруден өткен, денсаулығында кінараты жоқ тұлғаларға ғана рұқсат етіледі. Демонстрациялық тәжірибе жүргізу кезінде арнайы киімдер мен жеке қорғаныс құралдары пайдаланылуы керек: мақта-матадан тігілген желбегей, резеңкеленген алжапқыш, қорғаныс көзілдірігі, резеңке қолғап. Жұмыс кезінде қызметкер арнайы киімді кию, жеке адамның және ұжымдық қорғану құралдарын қолдану ережелерін, жеке гигиена ережесін, жұмыс орнының тазалығын сақтауы керек. Кабинеттерде алғашқы көмек ретінде қолданылатын қажетті медикаменттер жиынтығы бар медициналық аптечка, өрт сөндірудің алғашқы құралдары: екі өрт сөндіргіш, құм салынған жәшік және өрттен қорғалған матадан тігілген екі жамылғыш сақталуы керек.

-Жеке қорғанысқа пайдалынатын құралдар: электрді орнату, улы және зиянды құралдармен жұмыс кезінде арнайы киімдер кию, қорғаныс құралдарын даяр ұстау қажет.

-Шаң тартатын вентеляциялық шкафтың жұмыс жасап тұруын тексеру керек. Жұмыс істеуге қажетті жабдықтар мен құралдарды дайындау.

-Бөлме ішінің ауасын тазарту қажет.

-Химия, физика кабинеттерін сыныптық бөлме ретінде пайдалануға, басқа пәндер мен ұзартылған күн топтарының сабақтарын өткізуге, жиын өткізуге болмайды.

-Оқушылардың кабинет лаборантының міндетін атқаруына рұқсат естілмейді. Лабораториялық жұмыстар мен практикумдарды оқушылар тек мұғалімдердің немесе лаборанттардың қадағалауымен ғана өткізеді.

-Жарақат алған жағдайда алғашқы көмек көрсетіліп, мекеме әкімшілігіне хабарлау қажет, қажет болса жақын маңайдағы емдеу мекемесіне жіберу керек.

-Жұмыс орнын тәртіпке келтіру, электр құралдарын сөндіріп, ток көзінен ажырату керек, жабдықтар мен құралдарды мұқият жинақтап, химиялық реактивтерді жабылатын шкафта және құлыппен жабылатын сейфте өзінің орнына жинап қою керек.

-Шаң тартатын вентиляциялық шкафты сөндіру қажет.

-Арнайы киімдер мен қорғаныс құралдарын шешіп, қолды мұқият сабындап жуу керек, бөлмені тексеріп шығу қажет.

Кабинетті пайдалану ережесі:
1. Сабақ басталғанға дейін кабинет 15 минут бұрын ашық тұру керек.

2. Оқушылар екінші аяқ киіммен кірулері қажет.

3. Оқушылар кабинетке мұғалім барында ғана кіре алады.

4. Кабинетті әр үзіліс сайын желдетіп отыру керек.

5. Оқушылардың дәптерлері шкаф ішінде сақталуы керек.

6. Тақта сүртетін сүрткіш, кабинеттің екі шелегі болу керек.

7. Кабинетті күніне бір рет дымқыл шүберекпен сүртіп отыру керек.

8. Тоқ көзіне артық заттардың қосылмауын байқау және сабақ аяқталған соң тоқ көзінен ажырату қажет.

9. Кабинеттегі «Кабинет жағдайы» атты журналды сабақ өткізген әрбір мұғалім толтыруы қажет.

кабинетте жұмыс істейтін мұғалімдердің аты-жөні / ФИО, работающих в кабинете

кабинетті ұйымдастыру мерзімі / дата организации кабинета

кабинет қай сыныптар үшін жабдықталған / для каких классов оборудован кабинет

кабинет, зертхана үшін неше бөлме бөлінген / сколько комнат занято под кабинет, лабораторию, общая стоимость кв.м.