Патофизиология пәні, мақсаты мен міндеттері және оларға жету
жүктеу/скачать 6,36 Mb. Pdf көрінісі
|
Патофизиология учебник (1)
- Бұл бет үшін навигация:
- Жүктемелік гипоксия
- Субстраттық гипоксия
- Патогенезі.
| Араласқан гипоксия
. Жоғарыда келтірілген гипоксияның жекелеген түрлері бірігіп, бірімен-бірі араласып көрінеді. Мәселен, ауыр сілейме кезінде циркуляциялық гипоксияға, тыныстық, тіндік гипоксиялардың түрлері қосылады. Ауыр уланулар кездерінде гемдік және тіндік, циркуляциялық гипоксиялар араласып кетеді. Мәселен, адамға иіс тигенде, қанда карбоксигемоглобиннің деңгейі көтерілуінен гемдік гипоксия дамуымен қатар, тіндерде тотығу-тотықсыздандыру ферменттерінің белсенділігін төмендетіп, тіндік гипоксия, артынан жүректің қызметі әлсіреуінен циркуляциялық гипоксия дамуына әкеледі. Араласқан гипоксия, гипоксияның жекелеген түрлеріне қарағанда организмнің ауыр бүліністерін туындатады. Ауыр қол жұмысын атқарғанда, дене қызуы көтерілгенде, стресс кездерінде, тиреотоксикоз, анемия т. с. с. аурулар кездерінде гипоксия ауыр өтеді. Осы келтірілген гипоксияның түрлерімен бірге бүгінгі күні жүктемелік және субстраттық гипоксияларды ажыратады. Жүктемелік гипоксия белгілі бір ішкі ағзалар мен дене мүшелерінің ауыр жұмыс атқаруларынан дамиды. Бұл кезде артық жұмыс атқарып тұрған ағзалар мен мүшелердің оттегіге мұқтаждығы оларға оттегін жеткізетін жүйелердің мүмкіншіліктерінен артып кетуінен дамиды. Мәселен, тым ауыр қол жұмысын атқарғанда қаңқа бұлшықеттерінде гипоксия дамуы олардың қажуын туындатады. Осындай жағдай жүрек етінде де болады. Субстраттық гипоксия мида тотығатын зат - глюкоза жетіспеуінен дамиды. Бұл кезде оттегі жеткілікті болуына қарамай, ол тотығатын зат болмауынан, жүйке тінімен пайдаланылмайды. Патогенезі. Гипоксия дамуын шартты түрде екі кезеңге бөлуге болады. Бастапқы кезеңінде организмнің икемделу-бейімделу тетіктері жұмылдырылып, ағзалар мен тіндердің оттегімен 573 қамтамасыз етілуі белгілі деңгейде ұсталып тұрады. Оны гипоксияның теңгерілген кезеңі деуге болады. Артынан организмнің икемделу-бейімделу тетіктері қаусауынан екінші теңгерілмеген кезеңі дамиды. Гипоксияға икемделу-бейімделу жолдары жедел дамитын (тұрақсыз) және баяу дамитын (тұрақты) болып ажыратылады. жүктеу/скачать 6,36 Mb. Достарыңызбен бөлісу:
|