Патологиялық анатомия І

Адам өте көп қан жоғалтқанда геморрагиялық шок дамиды. Бұл кезде терінің, ішкі ағзалардың реңі бозарып, көкбауыр қабы әжімденіп, өзі едәуір кішірейіп, солып қалады. Бүйректердің қыртысты қабаты қансырап, қан төте жолдар арқылы милы қабатқа өтіп жиналады. Гепатациттер бір-бірімен байланысын жоғалтып, “тас төсеген көше” көрінісін елестетеді.

Гемостаздың және қанның реологиялық қасиеттерінің бұзылыстары.

Қалыпты жағдайда қан сұйық зат түрінде қан тамырында үздіксіз айналып тұрады. Қан тамыры ішінде қанның сары суы қан ағымының шетінде, ал қан элементтері оның ортасында ағады, сондықтан қан элементтері эндотелий қабатымен тікелей байланысты болмайды.