-параграф. Балаларға қосымша білім беру ұйымы басшысының (директорының) орынбасары

      143. Лауазымдық міндеттері: Педагогикалық ұжым қызметінің ағымдық және перспективті жоспарларын ұйымдастырады.

      Педагогтердың білім беретін оқу жоспарлар мен бағдарламаларды, сондай-ақ қажетті оқу-әдістемелік құжаттамаларды әзірлеу бойынша жұмыстарын үйлестіреді.

      Ұйымдардағы білім беру және тәбиелеу процестерінің сапасына және білім алушылардың, тәрбиеленушілердің білім дайындығы нәтижелерін бағалау объективтілігіне үйірме, секция, клуб және факультатив жұмыстарына бақылауды жүзеге асырады.

      Педагогтарға инновациялық бағдарламаларды игеру және әзірлеу жұмыстарына көмек көрсетеді.

      Емтихандарды, конкурстарды, жарыстарды дайындау және өткізу бойынша жұмыстарды ұйымдастырады.

      Білім алушылар мен тәрбиеленушілерге және қызметкерлерге қажетті жағдайларды қамтамасыз етеді, білім алушылар контингентін сақтау бойынша шаралар қабылдайды.

      Ата-аналар арасында ағарту жұмыстарын ұйымдастырады.

      Оқу сабақтарының кестесін құрады.

      Белгіленген есеп беру құжаттамаларын уақтылы жасауды қамтамасыз етеді.

      Педагогикалық кадрларды іріктеуге қатысады, олардың біліктілігі және кәсіби құзыреттілігін арттыруды ұйымдастырады.

      Білім беру процесін жетілдіру бойынша ұсынысты енгізеді.

      Оқу кабинеттерін, аудиторияларды заманауи жабдықтармен, көрнекі құралдар мен оқытудың техникалық құралдарымен жарақтандыру, кітапхананы оқу-әдістемелік және көркем әдебиеттермен, мерзімдік басылымдармен толықтыру бойынша шаралар қабылдайды.

      Білім алушыларға, тәрбиеленушілерге медициналық қызмет көрсету жағдайын бақылауды жүзеге асырады.

      Санитарлық-гигиеналық талаптарды, еңбекті қорғау ережелерінің сақтауды қамтамасыз етеді.

      Қажетті есептерді дайындау және ұсынуды қамтамасыз етеді.

      144. Білуге міндетті:

      Қазақстан Республикасының Конституциясын, Қазақстан Республикасының Еңбек Кодексін, Қазақстан Республикасының "Неке (ерлі-зайыптылық) және отбасы туралы" Кодексін, Қазақстан Республикасының "Білім туралы", "Педагог мәртебесі туралы", "Қазақстан Республикасындағы тіл туралы", "Қазақстан Республикасындағы баланың құқықтары туралы", "Сыбайлас жемқорлыққа қарсы іс-қимыл туралы", "Кәмелетке толмағандар арасындағы құқық бұзушылықтардың профилактикасы мен балалардың қадағалаусыз және панасыз қалуының алдын алу туралы" Заңдарын және Балаларға қосымша білім беруді дамытудың бағыттары мен физиология және гигиена негіздері,

      Педагогикалық ғылым мен практиканың жетістіктері,

      экономика, қаржы-шаруашылық қызмет негіздері,

      Еңбекті қорғау ережелері мен нормалары, қауіпсіздік техникасы және өртке қарсы қорғаныс, санитарлық ережелер мен нормалар.

      145. Біліктілікке қойылатын талаптар:

      жоғары және (немесе) жоғары оқу орнынан кейінг педагогикалық білім, немесе тиісті бейіні бойынша өзге де кәсіптік білім, немесе қайіта даярлау туралы құжат; білім беру ұйымдарында педагогикалық жұмыс өтілі кемінде 5 жыл.