Педагогикалық қызметтің өзгешелігі және педагогикалық шеберлік жүйе ретінде
Кәсіби білім және педагогикалық қабілеттер
Педагогикалық жағдаят және педагогикалық міндет
ПЕДАГОГИКАЛЫҚ ШЕБЕРЛІК ЖӘНЕ ПЕДАГОГИКАЛЫҚ ҚЫЗМЕТ
Педагогикалық шеберлік – бұл əрбір оқытушы мен өндірістік оқыту шеберіне қол жетімді, бірақ үздіксіз жетілдіруді талап ететін оқыту мен тəрбиелеу өнері. Бұл оқу-тəрбие жұмысының барлық түрлерін оқушының, оның дүние танымы мен қабілеттерін қосқанда, жан-жақты дамуына бағыттау кəсіби біліктілігі болып табылады.
Шебер – бұл «өз ісіне ерекше білгір немесе шебер».
Педагог-шебер – бұл жоғарғы мəдениет маманы, өз ісінің шебері, ол оқытатын пəнін, оқыту жəне тəрбиелеу əдісін жетік біледі, психологиялық білімі, сонымен бірге ғылым мен өнердің түрлі салаларында білімі бар адам.
Педагогикалық шеберлікті құрастырушылар
Педагогикалық қызметтің, кез келген басқа қызметтің сияқты, келесі құрамдастары: мақсаты, құралдары, нысаны, субъектісі, ерекшеленетін өзгешелігі бар.
Оқытушы қызметінің мақсаты қоғаммен анықталады. Ол өз еңбегінің ақырғы нəтижелерін таңдауда ерікті емес, оның əрекеттері білім алушының тұлғасын жан-жақты дамытуға бағытталған.
Педагогикалық қызмет мақсатының өзгешелігі – қоғамның мақсаты мұғалімнің педагогикалық позициясында «көрінетін» кезде мұғалімнен қоғамның əлеуметтік міндетін жеке қабылдауды талап етеді; ол нақты міндеттердің шығармашылық түсінуін талап етеді; бала қызығушылығын ескеру жəне оларды оқу қызметінің берілген мақсаттарына түрлендіру біліктілігін талап етеді.
В.А. Сухомлинский қалыптасып келе жатқан тұлғаның рухани өмірінің аса нəзік салаларына ақыл, сезімдер, сенімділігі, сана-сезімі жатады деп баса айтқан.
